Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bızneske qysym kórsetý derekteri Bas prokýrordyń qadaǵalaýynda bolýy tıis - Prezıdent

2022 jyldyń 19 mamyr 2022 18:49

NUR-SULTAN. QazAqparat – Bızneske qysym jasaýdyń árbir deregi Bas prokýrordyń qadaǵalaýynda bolýy tıis. Bul týraly búgin Aqordada otandyq bıznes ókilderimen kezdesý kezinde Prezıdent Qasym-Jomart Toqaev málim etti, dep habarlaıdy QazAqparat tilshisi.

Prezıdent bızneske qysym kórsetý faktorlaryn anyqtaý men áreket etýdiń tıimdirek júıesin qurý kerek ekenin aıta kele: «Joǵarǵy sot kásipkerlerge qatysty qylmystyq isterge qaıta-qaıta sholý jasap otyrýy tıis», -dedi.

Osy oraıda Memleket basshysy usynystardy tirkeý, júıelendirý, taldaý men daıarlaýdy retke keltirýdi tapsyrdy. Qajet bolǵanda usynystar jedel túrde normatıvtik-quqyqtyq aktilerge rásimdelýi kerek. Bul jumysqa bıznes-qoǵamdastyqty belsendi túrde tartý qajet.

«Reıderliktiń nemese quqyq qorǵaý organdary tarapynan negizsiz qysym kórsetýdiń anyqtalǵan árbir faktisi Bas prokýrordyń jeke qadaǵalaýynda bolýy tıis. Osy tektes isterdi sońyna deıin jetkizý talap etiledi», - dedi Memleket basshysy.

Buǵan deıin habarlanǵandaı, Aqordada Qasym-Jomart Toqaev otandyq bıznes ókilderimen kezdesý kezinde kásipkerler memleket múddesin joǵary qoıa bilýi kerek ekenin aıtty.


Joǵary qaraı