Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bızneske qatysty barlyq tekserý toqtatyldy - komıtet

2022 jyldyń 18 qańtar 2022 19:18

NUR-SULTAN. QazAqparat - Tótenshe jaǵdaı rejıminiń engizilýine baılanysty elimizdegi áleýmettik-ekonomıkalyq jaǵdaıdy qalpyna keltirý is-sharalary aıasynda kásipkerlikti qoldaý úshin 2022 jyldyń aqpanyna deıin baqylaý is-sharalary ýaqytsha toqtatyldy. Bul týraly QR Qarjy mınıstrliginiń Memlekettik kirister komıtetinen málim etti, dep habarlaıdy QazAqparat tilshisi.

«2022 jylǵy 1 aqpanǵa deıin memlekettik kirister organdarymen bastalǵan jáne uıymdastyrylatyn salyqtyq jáne kedendik tekserýlerdi, sonymen birge taýarlar shyqqannan keıingi kedendik jáne basqa qujattar men málimetterdi tekserýler ýaqytsha toqtatyldy. Osylaısha, 1 aqpanǵa deıin memlekettik kirister organdarymen bastalǵan barlyq tekserýler toqtatylady», - delingen komıtet aqparatynda.

Sonymen birge, komıtet málimetinshe, atalǵan merzimge deıin memlekettik kirister organdarymen quqyq qorǵaý organdarymen, óz qyzmetterine qatysty kásipkerlik sýbektileriniń aryzdary boıynsha taǵaıyndalatyn tekserýlerdi qospaǵanda jańa tekserýlerdi taǵaıyndalmaıdy.

Munan bólek, 2022 jylǵy 1 aqpanǵa deıin memlekettik kirister organdary kameraldyq baqylaý júrgizýdi, sondaı-aq onyń nátıjeleri boıynsha kameraldyq baqylaý boıynsha habarlamalar men salyq zańnamasyn buzýshylyqtardy joıý týraly habarlamalardy qalyptastyrýdy ýaqytsha toqtatty.


Joǵary qaraı