Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bizge jańa salyq saıasaty qajet - Qasym-Jomart Toqaev

2022 jyldyń 21 qańtar 2022 16:13

NUR-SULTAN. QazAqparat - Bizge jańa salyq saıasaty qajet. Bul týraly búgin QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

Memleket basshysy elimizdiń bıznes ókilderimen kezdesýi barysynda tıimdi salyq saıasaty týraly aıta kelip, 2020 jyldyń qorytyndysy boıynsha memlekettik bıýdjettiń kirisi 34,6 mlrd dollar (14,6 trln teńge) bolǵanyn jáne bul ІJÓ-niń 20 paıyzy ekenin atap ótti.

«Asa mańyzdy memlekettik mindetterdi sheshý úshin bul jetkiliksiz. Ekonomıkalyq yntymaqtastyq jáne damý uıymyna múshe elderde memlekettik bıýdjettiń kirisi 40-50 paıyzǵa deıin jetedi. Tipti, bizdiń jaqyn kórshilerimizdiń ózinde bul kórsetkish áldeqaıda joǵary. Máselen, Ýkraınada — 31%, Reseıde — 35,4%, Qyrǵyzstanda — 31%. Sońǵy 10 jylda eldiń ІJÓ-degi salyqtyń úlesi 9,9 paıyzdan, 7,3 paıyzǵa deıin tómendep ketken. Mine, sol sebepti Ulttyq qordan bólinetin transfer de tym kóbeıip ketken. 2019 jyldan 2021 jylǵa deıin 12 trln teńge, ıaǵnı 30 mlrd dollarǵa jýyq qarjy jumsalǵan», — dedi Memleket basshysy.

QR Prezıdentiniń atap ótýinshe, osy jaǵdaı asa mańyzdy sheshimder qabyldaýdy talap etip otyr.

«Bizge jańa salyq saıasaty qajet. Ol astyrtyn qıturqy áreketterge jol bermeıtin, bızneske de, Úkimetke de ashyq, túsinikti saıasat bolýy kerek», – dedi Memleket basshysy.


Joǵary qaraı