Aýa raıy
Astana -3 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Bıylǵy jeti aıda taýarlar óndirisi 2,1 paıyzǵa ósti – Rýslan Dálenov

2020 jyldyń 11 tamyz 2020 09:28

NUR-SULTAN. QazAqparat – Úkimet otyrysynda 2020 jylǵy qańtar-shildeniń qorytyndylary boıynsha eldiń áleýmettik-ekonomıkalyq damý nátıjeleri qaraldy, dep habarlaıdy QazAqparat tilshisi.

«Taýarlar óndirisi 2,1 paıyzǵa ósti. Sonymen birge, kórsetiletin qyzmetter 6,2 paıyzǵa qysqardy. Nátıjesinde, jedel derekter boıynsha, jalpy ishki ónim 2,9 paıyzǵa tómendedi. Jyldyq ınflıatsııa 7,1 paıyzdy qurady. Bul eskerilgen ınflıatsııa dálizinen tómen (8-8,5%)», - dedi QR Ulttyq ekonomıka mınıstri Rýslan Dálenov.

Onyń sózine qaraǵanda, esepti kezeńde kelesideı jaǵymdy úrdister baıqalýda. Ekonomıkanyń naqty sektorynda ósim jalǵasýda. Osy oraıda qurylys, óńdeý ónerkásibi jáne aýyl sharýashylyǵy salalary qamtylyp otyr.

«Importtyń tómendeýi aıasynda oń saýda balansy saqtalýda. Sonymen qatar, karantındik shekteýlerge baılanysty servıstik qyzmetter kóleminiń qysqarýy, sondaı-aq munaı óndirý qarqynynyń josparly tómendeýi baıqalady. Bul ekonomıkanyń ósýin tejeýshi faktory boldy», - dedi mınıstr.

Vedomstvo málimetinshe, óndiristik sektorda 2,1 paıyzǵa ósim baıqalady, onyń ishinde qurylysta – 6,3, óńdeý ónerkásibinde – 3,8, aýyl sharýashylyǵynda – 2,5 paıyzǵa.

Sonymen birge, qyzmetter sektory salalarynda, onyń ishinde jyljymaıtyn múlikpen jasalatyn operatsııalar – 4,3 paıyzdyq, ákimshilik qyzmetterdi kórsetý – 5,3, saýda – 11,9 jáne kólik qyzmetteri 15,6 paıyzdyq tómendeý kórsetti.

Bul rette, baılanys qyzmetteri 8,7 paıyzǵa artty.

Osy jylǵy maýsymymen salystyrǵanda shilde aıynda qyzmet kórsetýdiń birqatar salalarynda ósim jalǵasty. ıAǵnı, bir aıda qarjylyq jáne saqtandyrý qyzmeti 29 paıyzǵa, baspana jáne tamaqtaný boıynsha qyzmetter – 10,2, derekter berý – 6,7, uıaly baılanys – 4,1, ınternet jelisi – 2,9 paıyzǵa ósti.

Sondaı-aq júk aınalymy 5,6 paıyzǵa, onyń ishinde temir jol kóligimen – 5,5 paıyzǵa, qubyrlarmen tasymaldaý – 2,9 praıyzǵa ósti.


Joǵary qaraı