Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl jazda Qazaqstanda aýa raıy qandaı bolady

2022 jyldyń 17 mamyr 2022 20:38

NUR-SULTAN. QazAqparat - Aldaǵy jazda aýa raıy qubylmaly bolady. Qazaqstandyqtardy nóser jańbyrly, naızaǵaıly jáne jeldi, sondaı-aq ashyq kúnder kútip tur, dep habarlaıdy QazAqparat Qazgıdrometke silteme jasap.

Jazǵy konsýltatıvtik maýsymdyq boljamǵa sáıkes, jazdyń alǵashqy eki aıynda respýblıkanyń batys jartysynda aýa temperatýrasy normadan joǵary, al eldiń shyǵys jartysynda — normaǵa jaqyn bolady dep boljanyp otyr.

Tamyz aıy salqyn bolady. Qazaqstannyń kóptegen oblystarynda temperatýralyq fon klımat normasy sheginde bolmaq.

Tek Qazaqstannyń shetki soltústiginde ǵana normadan joǵary bolady degen boljam bar.

Maýsym aıynda Qazaqstannyń basym bóliginde jaýyn-shashyn normadan az bolady.

Respýblıkanyń soltústik-shyǵys jartysynda, eldiń ońtústigi men ońtústik-shyǵysynyń taýly jáne taý bókterindegi aýdandarynda jańbyr jaýýy yqtımal.

Shilde men tamyz aılarynda kerisinshe, eldiń kóp bóliginde jaýyn-shashyn bolady — klımattyq normaǵa jaqyn.


Basty sózder: Qazgıdromet, Aýa raıy,
Joǵary qaraı