Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl vagon men lokomotıv óndirisi 50 % ósti - mınıstr

2021 jyldyń 12 qazan 2021 09:56

NUR-SULTAN. QazAqparat – Bıylǵy qańtar-qykúıek aralyǵynda elimiz boıynsha vagon men lokomotıv óndirisi 50,5% ósken, dep habarlaıdy QazAqparat tilshisi.

Úkimet otyrysynda toǵyz aıdaǵy ekonomıkanyń ósimi týraly baıandama jasaǵan QR Ulttyq ekonomıka mınıstri Áset Erǵalıev osyndaı derekter keltirdi.

«Taýarlar ımporty 25,4 mlrd AQSh dollaryn qurady. Jalpy, oń saýda balansy ótken aıǵa qaraǵanda 1,7 mlrd AQSh dollaryna ósip, 12,1 mlrd AQSh dollaryn qurady.

Óńdeý ónerkásibi turaqty ósý úrdisin saqtap otyr. Qańtar-qyrkúıekte sala boıynsha óndiris kólemi 5,7% ósti», - dedi vedomstvo basshysy.

Onyń sózine qaraǵanda, jyl basynan bergi toǵyz aıda 14 óńir boıynsha óńdeý ónerkásibi oń kórsetkish baıqatqan. Eń joǵarǵy ósý Almaty qalasy men Qostanaı, Almaty oblystarynda baıqalyp otyr.

«Óńdeý ónerkásibi salalary boıynsha farmatsevtıkalyq ónim óndirý 38,1%, mashına jasaý – 22,8%, onyń ishinde avtomobıl jasaý – 31,6%, vagondar men lokomotıvter óndirisi – 50,5%, sondaı-aq qurylys materıaldary – 10,1%, plastmassa buıymdary – 31,4%, daıyn metall buıymdary – 17,2%, kıim – 14% jáne jıhaz – 14,9% deńgeıinde serpindi ósýdi kórsetip otyr», - dedi Áset Erǵalıev.

Sondaı-aq, ol ótken 9 aı boıynsha oryndalǵan qurylys jumystarynyń kólemi 9,7% ósip, joǵary qarqyn kórsetkenin atady.

«Kórsetkishtiń oń ósimi barlyq óńirler boıynsha tirkeldi. Qurylys-montajdaý jumystarynyń eń joǵary ósýi Almaty qalasynda, sondaı-aq Mańǵystaý jáne Aqmola oblystarynda baıqalýda», - dedi mınıstr.


Joǵary qaraı