Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl Temirtaýda apatty jaǵdaıda turǵan birqatar oqý oryndary jóndeýden ótedi

2022 jyldyń 22 qańtar 2022 05:00

TEMІRTAÝ. QazAqparat – Temirtaýda Kúlásh Baıseıitova kóshesinde 2018 jyly apatty dep tanylǵan №15 orta mektep-gımnazııasy jóndeledi. Eki qabatty tıptik ǵımarat 1953 jyly salynǵan. Onda temirtaýlyqtardyń birneshe urpaǵy bilim alǵan, dep habarlaıdy QazAqparat tilshisi.

Gımnazııada tárbıelengen túlekterdiń kópshiligi osy ýaqytta elge tanymal.

Mektep shamamen 500 oqýshyǵa shaqtalǵan. Ata-analar árqashan balalaryn sol jerge berýge tyrysty, sebebi ol árdaıym bilim berý sapasynyń kórsetkishteri boıynsha aldyńǵy qatarda boldy. Jyldar óte ǵımarat apatty jaǵdaıǵa jetti. 2018 jyly tehnıkalyq tekserý onyń kúrdeli jóndeýdi qajet etetinin kórsetti. Onda qabattardyń arasyndaǵy aqaýlar bary anyqtaldy. Oqý ornyn qalpyna keltirý qalanyń shyǵys bóligindegi mektepterine júktemeni azaıtýǵa kómektesedi», – deıdi Temirtaý qalasy ákimdiginiń baspasóz hatshysy Gúlnur Ábdiǵalıeva.




Mektepte kúrdeli jóndeý kóktemde bastalady. Qazir eski ǵımaratty qalpyna keltiretin merdiger anyqtaldy. Kúrdeli jóndeýden keıin mektepke uly aqyn jáne aǵartýshy Abaı Qunanbaevtyń esimi beriledi.

Sondaı-aq, bıyl jóndeý jumystary Temirtaý qalasyndaǵy birinshi klassıkalyq lıtseıde jáne Aqtaý kentindegi №32 jalpy bilim beretin mektepte bastalady. Temirtaýda barlyǵy 29 mektep bar, olardyń ekeýi jekemenshik.


Joǵary qaraı