Aýa raıy
Astana -12 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl ShQO-da sybaılas jemqorlyqqa qatysty 165 qylmys tirkelgen

2020 jyldyń 26 qazan 2020 17:30

ÓSKEMEN. QazAqparat – «Adaldyq alańy» jobalyq keńsesiniń Shyǵys Qazaqstan oblystyq fılıaly 9 aıda atqarylǵan jumysty qorytyndylady, dep habarlaıdy QazAqparat tilshisi.

Osy jyldyń 9 aıynda 730 myńnan astam adam qamtylǵan 1700 shara ótkizilgen. Al TJ engizilgen ýaqyttan bastap onlaın-formatta 600 shara uıymdastyrylyp, 500 myńnan astam adam qamtyldy.

«Sybaılas jemqorlyqqa qarsy aqparattyq-nasıhattaý jumysy aıasynda 155 banner ornalastyryldy. Halyqtyń quqyqtyq saýattylyǵyn arttyrý úshin 90-nan astam beınerolık ázirlenip, belsendi jastar men din ókilderinen turatyn óńirlik aqparattyq-aǵartýshylyq shtab quryldy. Respýblıkalyq komıssııa músheleri áleýmettik mańyzy bar obektilerge monıtorıng júrgizip, memlekettik granttardy berý úshin ótinimderdi irikteý jónindegi komıssııanyń jumysyna belsene atsalysty. Suranysqa ıe dári-dármek baǵalaryn qadaǵalaý jáne shetelden keletin gýmanıtarlyq kómekti bólý jumystaryn uıymdastyrý da jolǵa qoıyldy», - deıdi ShQO Sybaılas jemqorlyqqa qarsy qyzmetiniń basshysy Erlan Jalmaǵambet.

2020 jyldyń birinshi jartyjyldyǵynda oblysta sybaılas jemqorlyqqa qatysty 165 qylmys tirkeldi. Onyń ishinde para alý jáne berý, laýazymdyq ókilettigin asyra paıdalaný jáne bıýdjet qarajatyn jymqyrý faktileri bolǵan.

«Biz sybaılas jemqorlyq táýekelderine 13 syrtqy taldaý jáne 11 sybaılas jemqorlyq faktisine qarsy baqylaý sharalaryn júrgizip, ákimshilik kedergilerdi azaıtý, zańnamany jetildirý joıý boıynsha tıisti usynymdar engizdik. Sondaı-aq «Atameken» UKP-men birlesip, memlekettik satyp alýlardyń biryńǵaı terezesi jobasy iske asyrylyp jatyr. Sonyń aıasynda memlekettik satyp alýlarǵa monıtorıng júrgiziledi», - dedi ShQO boıynsha sybaılas jemqorlyqqa qarsy is-qımyl departamenti basshysynyń birinshi orynbasary Jiger Baıdildın.


Joǵary qaraı