Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Shet aýdanynda 30-dan astam otbasy baspanaly bolady

2021 jyldyń 23 qyrkúıek 2021 02:25

QARAǴANDY. QazAqparat – Qaraǵandy oblysy Shet aýdanynda jyl sońyna deıin 30-dan astam otbasy baspanamen qamtylady. Aqsý-Aıýly eldi mekeninde eki páterli jeti úıdiń qurylysy aıaqtalyp qaldy. Sonymen qatar, ákimdik kezekte turǵandar úshin 18 úı satyp aldy, dep habarlaıdy QazAqparat tilshisi.

Qaraǵandy oblysynyń ákimi Jeńis Qasymbek jumys saparymen Shet aýdanynda boldy.

Óńir basshysy jalǵa beriletin turǵyn úı qurylysynyń barysymen jáne joldardyń jóndelýimen tanysty.

Aýdanda aýylishilik joldar belsendi túrde jóndelýde. Alty eldi mekendegi 23 kóshe retke keltirildi.

«Aýyl – el besigi» baǵdarlamasy boıynsha taǵy da birneshe aýyldyń joldaryna ortasha jóndeý jumystary bastaldy. Qazirgi ýaqytta 9 kóshe jóndeldi.

Shet aýdanynyń aýylishilik joldarynyń jartysynan kóbi jaqsy jaǵdaıda, kelesi jyly qalǵan kóshelerdi jóndeý josparlanyp otyr.

Jeńis Qasymbekke aýdannyń jylý berý maýsymyna daıyndyǵy týraly da baıandaldy.

«Bıyl 17 bilim jáne bes mádenı mekeme, bir densaýlyq saqtaý uıymy jáne eki turǵyn úıdiń jylý júıesi jóndeldi. Barlyq kommýnaldyq mekemeler kómirmen qamtamasyz etilgen», – dep habarlady Shet aýdanynyń ákimi Muhıt Muhtarov.

Muhıt Muhtarovtyń aıtýynsha, Aǵadyrda qoldanystaǵy káriz jelileri keńeıtilýde. Qyzmetke qosymsha úıler qosylady.

Bul jumysty jyl sońyna deıin aıaqtaý josparlanyp otyr.

Sondaı-aq, kenttiń tórt kóshesinde sýmen jabdyqtaýdyń rezervtik jelisin júrgizý júrip jatyr.

Aýdanda buqaralyq sportty damytýǵa da aıtarlyqtaı kóńil bólinýde. Qazirgi zamanǵy basseın ashyp, oǵan kúres zalyn qosý josparda bar.

Sapar sońynda oblys basshysy qurylys qarqynyn báseńdetpeýdi jáne kezekte turǵandarǵa baspanany merziminde berýdi tapsyrdy.




















Joǵary qaraı