Aýa raıy
Astana 12 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

Bıyl Pavlodar oblysynda 100 myńnan astam oqýshy jazǵy demalyspen qamtylady

2020 jyldyń 29 maýsym 2020 09:04

PAVLODAR. QazAqparat - Óńirde 1-10 synyp oqýshylarynyń 99,9 paıyzyn jazǵy demalyspen qamtý josparlanǵan, dep habarlaıdy pavlodarnews.kz.

Oblystyq bilim basqarmasy baspasóz qyzmetiniń málimetinshe, 2020 jylǵy jazǵy kanıkýl kezeńinde óńirdegi epıdemıologııalyq jaǵdaıda balalardy jazǵy demalyspen dástúrli nemese qashyqtyq formatta qamtý baǵdarlamasy ázirlendi.

«Bıyl uıymdastyrylatyn demalys, saýyqtyrý jáne bos ýaqytty qamtýmen 105 myńnan asa oqýshyny nemese 1-10 synyp oqýshylarynyń jalpy sanynan 99,9% qamtý josparlanǵan. 5587 oqýshyny eńbekpen qamtý josparlanǵan. Onyń ishinde orman sharýashylyqtarynda – 193, kásiporyndar men ShQ – 3472, eńbek jasaqtarynda – 1922 bala eńbek etedi» dep málim etti baspasóz qyzmeti.

Búginde óńirimizdegi epıdemıologııalyq jaǵdaıǵa baılanysty balalardy jazǵy demalyspen onlaın formatta qamtý boıynsha jumys bastaldy. Bilim basqarmasy jazǵy demalysty uıymdastyrý boıynsha ádistemelik usynymdar, balalardyń bos ýaqytyn qamtamasyz etýge jáne úı jaǵdaıynda jumyspen qamtylýyn úılestirýge baǵyttalǵan qashyqtyq jobalar keshenin ázirledi.

Basqarmanyń habarlaýynsha, oblystyń qosymsha bilim uıymdary «Demalys OFF-line «Mektep janyndaǵy lageri» oblystyq qashyqtyq jobasyn iske asyrýda.

Sonymen qatar, árbir aýdan men qalada balalardyń demalysyn onlaın formatta qamtamasyz etý boıynsha ózindik jobalar iske qosyldy.

«Balalardy mýzykalyq aspapta oınaýǵa úıretý boıynsha tegin onlaın kýrstar, qyzyǵýshylyq boıynsha taqyryptyq sabaqtar, áńgime saǵattary, shyǵarmashylyq kezdesýler, toptyq sheberlik saǵattar, murajaıǵa jáne qasıetti oryndarǵa vırtýaldy ekskýrsııalar, baıqaýlar, vıktorınalar, sporttyq jarystar uıymdastyrylýda», - dedi basqarmada.

Ótkizilgen is-sharalardyń qorytyndysy boıynsha balalardyń densaýlyǵyn nyǵaıtý, salaýatty ómir saltyn qalyptastyrý, kámeletke tolmaǵandardyń quqyq buzýshylyq jasaý qaýpin azaıtý nátıjesi kútiledi.


Basty sózder: Bilim, Pavlodar oblysy, Karantın,
Joǵary qaraı