Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl mektep bitirý keshteri qandaı formatta ótedi

2021 jyldyń 11 mamyr 2021 13:59

NUR-SULTAN. QazAqparat – QR Bilim jáne ǵylym vıtse-mınıstri Sholpan Karınova bıyl mektep bitirý keshterý qandaı formatta ótetinin túsindirdi, dep habarlaıdy QazAqparat tilshisi.

«Mektep birtirýshiler úshin emtıhandar aıaqtalǵannan keıin, 11-synyp oqýshylary úshin 12-14 maýsym aralyǵynda mektep bitirý keshterin uıymdastyrý máselesi qarastyrylady. Mektep bitirý keshterin uıymdastyrýǵa baılanysty is-sharalar ashyq, taza aýada ótkizilýi Densaýlyq saqtaý mınıstrligimen kelisilgen. Bul turǵyda oqýshylary az mektepter osy is-sharany barlyq synyp úshin ótkize alady. Al mektep bitirýshi synyptar kópteý bolǵanda, birneshe kezeńge bólip uıymdastyrý múmkindigi bar», - dedi Sh. Karınova mınıstrliktiń apparat jınalysynda.

Osy oraıda ol bul is-sharanyń negizgi maqsaty mektep túlekteriniń jalpy orta bilimdi aıaqtap, bilimi týraly qujatty alýyna arnalǵanyn eske saldy.

«Sondyqtan mektep bitirý keshin ótkizý kezinde árbir mekteptiń ishinde resmı túrde attestatty tabystaý is-sharasyn uıymdastyrý usynylady. Sonymen qatar, dastarhan jaıýǵa nemese basqa da kóńil kóterý oryndarynda (toıhana, meıramhana, dámhana) ruqsat etilmeıdi. Bul is-shara tek mektepte resmı túrde attestat tabystaýdy eskeredi», - dedi vıtse-mınıstr.

Aıta keteıik, mektep bitirý keshin sanıtarlyq qaýipsizdik talaptaryn saqtaý arqyly ótkiziledi. Osy oraıda merekelik anımatorlardy, túrli toı uıymdastyrý agenttikterin, jeke stýdııalardy shaqyrtýǵa tyıym salynǵan.

Budan buryn habarlanǵandaı, sońǵy qońyraý ádettegideı 25 mamyrda ótkiziledi. Bıylǵy shekteý is-sharalary eskerilip, birneshe format usynylmaq. Birinshiden, dástúrli túrde ashyq taza aýada 9 jáne 11-synyp oqýshylary úshin, sondaı-aq 300-ge deıin oqýshysy bar ári osy ýaqytqa deıin shtattyq rejımde oqytyp kele jatqan mektepter ótkizedi.

Sonymen qatar QR Bilim jáne ǵylym vıtse-mınıstri Sholpan Karınova mektep túlekteriniń qorytyndy attestattaýyna qatysty túsinik berdi.


Joǵary qaraı