Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl laýazym ıelerine para berýge qatysty 381 sotqa deıingi tergeý boldy

2020 jyldyń 30 qazan 2020 11:57

NUR-SULTAN. QazAqparat – Bıylǵy 9 aıda laýazymdy tulǵalarǵa para berý faktileri boıynsha 381 sotqa deıingi tergeý tirkeldi. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov málim etti, dep habarlaıdy QazAqparat.

«Sybaılas jemqorlyqqa qarsy qyzmet 2020 jyldyń 9 aıynda laýazymdy tulǵalarǵa para berý faktileri boıynsha 381 sotqa deıingi tergeýdi tirkedi. Onyń 274-i sotqa joldandy jáne olar boıynsha 117 tulǵa sottaldy», - dedi D. Bıǵaıdarov.

Osy oraıda ol memlekettik qyzmetshiler men elimizdiń azamattary sybaılas jemqorlyq úshin áleýmettik jáne qylmystyq jaýapkershilikti jiti túsinýi qajet ekenin atap ótti.

«Para bergeni, alǵany, deldaldyǵy, kómekteskeni jáne para berýge ıtermelegeni úshin qylmystyq jaýapkershilik kózdelgen. Laýazymdy adamǵa para bergeni úshin (QR Qylmystyq kodeksiniń 367-baby) 15 jylǵa deıin bas bostandyǵynan aıyrý, sondaı-aq eleýli aıyppuldar men múlkin tárkileý, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrý, áskerı ataqtardan, synyptyq shenderden, memlekettik nagradalardan jáne basqa da marapattan aıyrý sııaqty qosymsha sanktsııalar eskerilgen», - dedi agenttik ókili.


Joǵary qaraı