Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Qazaqstanǵa 7,2 myń adam qonys aýdarsa, 25,3 myńy kóship ketken

2021 jyldyń 16 qarasha 2021 16:14

NUR-SULTAN. QazAqparat – 2021 jylǵy toǵyz aıda Qazaqstannan 25,3 myń adam kóship ketken, dep habarlaıdy QazAqparat QR Strategııalyq josparlaý jáne reformalar agenttigi Ulttyq statıstıka bıýrosyna silteme jasap.

Kóshi-qon qyzmeti organdary usynǵan málimetterge sáıkes, bıylǵy qańtar-qyrkúıek aralyǵynda Qazaqstanǵa turaqty turýǵa 7246 adam kóship kelse, 25 322 azamat elimizden kóship ketken. Kóshi-qonnyń aıyrymy -18076 adamdy qurady.

Kóshi-qon almasýy negizinen TMD memleketteri ishinde bolyp jatyr. «TMD elderinen kelgenderdiń jáne sol elderge ketkenderdiń kóship-qonýshylardyń jalpy sanynan úlesi 84,2% jáne 86,0% qurady», - delingen statıstıkalyq málimette.

Al el ishinde qonys aýdaratyndar sany byltyrǵy qańtar-shildemen salystyrǵanda 0,2% artqan. Óńiraralyq qonys aýdarý boıynsha halyq kóshi-qonynyń oń aıyrymy elimizdiń 4 óńirinde baıqaldy: Almaty (22346 adam), Nur-Sultan (21718 adam), Shymkent (9568 adam) qalalarynda jáne Mańǵystaý oblysynda (248 adam).


Joǵary qaraı