Aýa raıy
Astana -12 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl qazaqstandyq 50 kompanııa Alibaba platformasynan akkaýnt alady

2020 jyldyń 26 qazan 2020 16:02

NUR-SULTAN. QazAqparat – Saýda jáne ıntegratsııa mınıstri Baqyt Sultanov Qazaqstanda elektrondy kommertsııany damytý boıynsha qandaı jumystar atqarylyp jatqanyn aıtyp berdi, dep habarlaıdy QazAqparat tilshisi.

«Tsıfrlandyrý baǵyty boıynsha elektrondy kommertsııany damytý jaǵynan úlken jumys atqarylyp jatyr. Pandemııa bir jaǵynan bizdiń qazirgi baǵdarlamalarymyzdy úılestirý jáne olarǵa ózgeris engizý sharýasyn edáýir yntalandyra tústi. Keıingi jyldary elektrondy kommertsııanyń deńgeıi ósip bara jatqanyn túsinemiz. Alaıda aımaqtarda onyń quraldaryn damytý kerek», - dedi Baqyt Sultanov OKQ-da ótken baspasóz máslıhatynda.

Mınıstr bul rette tek elektrondy saýda alańdary týraly ǵana emes, logıstıka, tólem júıeleri men fýlfılment ortalyqtary, bondty qoımalar, taýarlar men qyzmetterdiń tasymaldaýshylary sekildi ınfraqurylymdar týraly aıtyp otyrǵanyn jetkizdi.

«Biz sonymen qatar transshekaralyq saýda salasynda elektrondy alańdarǵa kóbirek mán berip kelemiz. Saýda jáne ıntegratsııa mınıstrligi Alibaba platformasyna 50 kompanııany shyǵarý boıynsha asa aýqymdy jumysty atqardy. Bıyl taǵy 50 kompanııa atalmysh platformada akkaýntqa ıe bolady. Biz sonymen birge kompanııalarymyzdy basqa da elektrondy saýda alańdaryna shyǵarý úshin Reseı, Kanada, Eýropa elderimen qyzý jumys júrgizip jatyrmyz», - dedi Baqyt Sultanov.

Joǵary qaraı