Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl ishki týrısterdiń sany 6 mıllıonnan asyp túspek

2022 jyldyń 28 mamyr 2022 14:43

NUR-SULTAN. QazAqparat – Bıylǵy týrıstik maýsym kezinde 6 mln-nan astam otandyq týrıst el ishin aralap saıahattaıdy degen boljam jasalyp otyr. Bul týraly «Kazakh Tourism» AQ ulttyq kompanııasynyń basqarýshy dırektory Danıel Serjanuly málim etti, dep habarlaıdy QazAqparat tilshisi.

«Elimizde týrıstik maýsym endi bastalady. Bıylǵy bizdiń boljam boıynsha 6 mıllıonnan astam otandyq týrıst el ishinde saıahattap, demalady dep otyrmyz. Kórsetkishtiń odan asyp túsýi ábden múmkin. Bizge ishki týrısterdiń legi belgili, endigi maqsat – sapany arttyrý. ıAǵnı týrısterge jaǵdaı jasap, olarǵa sapaly qyzmet kórsetý. Sonymen qatar júıeli, uıymdasqan týrızmdi ilgeriletý de mańyzdy. Odan bólek, syrttan keletin týrıster bar. Jalpy Qazaqstanǵa sheteldik týrısterdiń deni Reseı jáne TMD elderinen keledi», - dedi Danıel Serjanuly.

«Kazakh Tourism» AQ basqarýshy dırektorynyń málimetinshe, otandyq týrızmdi ilgeriletýde Arab elderinen týrısterdi tartýǵa den qoıylyp jatyr.

«Qazirgi ýaqytta byltyrmen salystyrǵanda Reseıden keletin týrısterdiń sany 7 esege artty. Bul kórsetkish aldaǵy ýaqytta arta túspek. Sebebi osy kúnderi Omby, Novosibir, Ekaterınbýrg, Sankt-Peterbýrg jáne Máskeýde Qazaqstan týrızminiń tanystyrylymy ótip jatyr. Qazirdiń ózinde kórshi elden shop-týrmen kelip jatqandar barshylyq», - deıdi ol.


Avtor Álı Ibraev
Basty sózder: Týrızm, Qoǵam,
Joǵary qaraı