Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl elordada qurylysy uzaqqa sozylǵan 57 úı salynyp bitedi

2021 jyldyń 9 jeltoqsan 2021 15:04

NUR-SULTAN. QazAqparat - Elorda ákimdiginiń ókilderi bıyl 5 myń azamatty qabyldady.

Nur-Cultan qalasynyń ákimi Altaı Kólginov óziniń Instagram paraqshasynda qala turǵyndarynyń azamattardy qabyldaý kezinde qandaı suraqtar týraly aıtyp berdi, dep habarlaıdy QazAqparat Nur-Sultan qalasy ákimdiginiń resmı saıtyna silteme jasap.

«Bıyl áriptesterimizben birge 5 myń qala turǵynyn qabyldadyq. Suraqtardyń bir bóligin qabyldaý barysynda sheshsek, qalǵandaryn nazarǵa alamyz. Búgin onlaın-qabyldaýda taǵy 14 otbasy qabyldandy. Kelip túsken máselelerdi, qala turǵyndarynyń usynystaryn eskere otyryp, elordany damytý josparyna engizemiz. Máselen, negizinen áleýmettik turǵyn úı, mektepter, medıtsınalyq ortalyqtar salý, aýdandardy abattandyrý, gazdandyrý, uzaq qurylystardy aıaqtaý jáne t.b. máseleler túsedi.

Prezıdenttiń tapsyrmasy boıynsha áleýmettik nysandar qurylysynyń kólemin jyl saıyn arttyrý boıynsha jumys júrgizip jatyrmyz. Máselen bıyl 10 myń áleýmettik páter, 40 myń oqýshyǵa arnalǵan 15 mektep, 200 aýla jáne qoǵamdyq keńistikter (saıabaqtar, gúlzarlar, jelekjoldar) salyndy, «úı mańyndaǵy dáriger» nysandaryn, dene shynyqtyrý-saýyqtyrý keshenderin ashtyq, 9 eldimekende gaz taratý jelileri salynyp, iske qosyldy, qurylysy uzaqqa sozylǵan 57 úı aıaqtalmaq jáne t.b»,-dep jazdy qala ákimi.




Sondaı-aq, Memleket basshysynyń «halyq únine qulaq asatyn memleket» tujyrymdamasy aıasynda ózara baılanysty nyǵaıtýǵa áleýmettik ortalyqtar kómektesedi. Olardyń qatarynda «Januıa» otbasy ınstıtýtyn qoldaý ortalyǵy, turǵyn úı salasynda qyzmet kórsetetin biryńǵaı ortalyq, iQala ortalyǵy, jastarǵa qyzmet kórsetý ortalyǵy bar. Jalpy alǵanda, tek bıyldyń ózinde atalǵan ortalyqtar qala turǵyndary tarapynan túsken 150 myńǵa jýyq ótinishti óńdedi.

«Elordany «Nur-Sultan – jaıly qala» sheber-jospary aıasynda damytyp jatyrmyz, oǵan sáıkes aýdandardy ortalyqtandyryp damytýdamyz. Bul - áleýmettik nysandar, aýlalar/qoǵamdyq keńistikter», – dep jazdy elorda ákimi.


Joǵary qaraı