Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl elimizde shegirtke 640 myń gektarǵa taralýy múmkin

2021 jyldyń 10 maýsym 2021 11:39

NUR-SULTAN. QazAqparat – Qazaqstanda úıirli shegirtke tektes zııankester 641 myń gektar alańǵa taralýy múmkin. Bul týraly Úkimet otyrysynda Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Sapaly jáne joǵary túsim alý kóbinese qolaıly fıtosanıtarııalyq jaǵdaıǵa baılanysty bolady. 2021 jyly úıirli shegirtke tektes zııankester 641 myń gektar alańǵa taralýy múmkin. Saıaq shegirtke tektes zııankesterdiń taralý boljamy – 239 myń gektar. Shegirtke zııankesteriniń taralý oshaqtaryn anyqtaý úshin 38 mln gektar aýyl sharýashylyǵy jerleri zerttep-qaralatyn bolady. Hımııalyq óńdeýge 183 arnaıy tehnıka jumyldyrylady», - dedi S. Omarov.

Onyń aıtýynsha, qazirgi ýaqytta Túrkistan jáne Jambyl oblystarynda marokko shegirtkelerine qarsy hımııalyq óńdeý júrgizý aıaqtaldy. Italıandyq prýs pen saıaq shegirtke tektes zııankesterge qarsy hımııalyq óńdeý jalǵasyp jatyr. Hımııalyq óńdeý joǵary bıologııalyq tıimdilikpen ońtaıly merzimde júrgizilýde.

«Jalpy 2021 jyly asa qaýipti zııandy organızmderdiń 3 mln gektar alańda, onyń ishinde dándi daqyldar aýrýlarynyń 1,9 mln gektar alańda, sur dán kóbeleginiń 328 myń gektar alańda taralýy múmkindigi eskerilgen. Aramshóp ósimdikterine qarsy hımııalyq otaýdy 7 mln gektar alańda júrgizý josparlanyp otyr», - deli mınıstr.

Budan buryn habarlanǵandaı, búgin Úkimet otyrysynda Premer-Mınıstr Asqar Mamın aýyl sharýashylyǵy salasyna qatysty birqatar tapsyrma berdi.



Joǵary qaraı