Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl elimizde 49 shaqyrymdyq bógen jóndelip, qaıta salyndy

2021 jyldyń 23 jeltoqsan 2021 14:10

NUR-SULTAN. QazAqparat – Bıyl el aýmaǵyndaǵy 49 shaqyrymdy quraıtyn sý bógeni qaıta salynyp, jóndeldi. Bul týraly QR Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Sý tasqyny qaýpiniń aldyn alý boıynsha óńir ákimdikteri jáne memlekettik quzyrly organdarmen birlesip jol kartasyn iske asyryp jatyrmyz. Bul óz kezeginde sý basý qaýpi bar eldi mekender sanyn 998-den 370-nen azaıtýǵa múmkindik berdi. Sondaı-aq, sý tasqyny qaýpiniń aldyn alý maqsatynda bıyl 49 shaqyrymdyq bógen salyndy jáne jóndeldi. Jáne 47 shaqyrymdy quraıtyn ózen arnalaryna beket qoıyldy. Osy atalǵan sharalar materıaldyq shyǵyndy edáýir qysqartýǵa, ınfraqurylym men turǵyn úıdi sý tasqynynan saqtaýǵa múmkindik beredi. Bıyl kóktemde elimizdiń 5 eldi mekeninde 49 turǵyn úıdi sý basty. Jáne 4 avtojol ýchaskesin sý shaıyp ketti», - dedi ıÝ. Ilın ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, búginde aldaǵy kóktemde bolýy múmkin sý tasqynynyń aldyn alý boıynsha daıyndyq júrip jatyr.

«Elimizdiń taýly aımaqtaryndaǵy muzdyń qarqyndy erýi tótenshe jaǵdaı nemese seldiń bolý qaýip tóndiredi. Osy oraıda «Qazseldenqorǵaý» qaýipti ýchaskelerdi selden qorǵaýdyń jańa tehnologııalaryn engize otyryp, arnaıy baqylaý júrgizip jatyr. Negizinen sel júrý qaýpi Almaty, Jambyl, Shyǵys Qazaqstan, Túrkistan oblystary aýmaǵyna qatysty. Sonymen qatar sel qaýpin aldyn alý maqsatynda jerústi jáne jerasty tekserýler júrgiziledi. Qorǵas, Kishi jáne Úlken Almaty, Aqsaı, Qarǵaly ózenderiniń basseınderinde avtomatty monıtorıng júıesiniń 31 stantsııasy jumys isteıdi. Olar jaǵdaıdy baǵalaýǵa jáne sel oshaqtaryna jedel den qoıýǵa múmkindik beredi», - deıdi ol.


Joǵary qaraı