Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl elimizde 12 mlrd teńgege 130 mln aǵash otyrǵyzyldy – mınıstrlik

2021 jyldyń 7 jeltoqsan 2021 17:54

NUR-SULTAN. QazAqparat – Bıyl Qazaqstanda 130 mln aǵash otyrǵyzyldy. Bul týraly QR Ekologııa, geologııa jáne tabıǵı resýrstar vıtse-mınıstri Álııa Shalabekova Ortalyq kommýnıkatsııalar qyzmetinde ótken baspasóz máslıhatynda málim etti, dep habarlaıdy QazAqparat tilshisi.

«Ótken jyly Memleket basshysy Qazaqstan halqyna Joldaýynda 5 jyldyń ishinde orman qoryn 2 mlrd aǵashqa kóbeıtý mindetin tapsyrdy. Osy oraıda óńir ákimdikteri aǵash otyrǵyzý, ıaǵnı ormandy damytýdyń 2021-2025 jyldarǵa arnalǵan keshendi josparyn bekitti. Prezıdent tapsyrmasyn oryndaý boıynsha 1 mlrd 539 mln aǵashty óńir ákimdikteri, al 251 mln aǵashty mınıstrlik otyrǵyzady. Mınıstrlik ol aǵashtardy ulttyq parkter men tabıǵı rezervattardyń aýmaǵynda egedi. Sondaı-aq tabıǵat paıdalanýshylar men ózge de bastamashyl toptardyń kúshimen 210 mln túp aǵash otyrǵyzý kózdelip otyr», - dedi Álııa Shalabekova.

Vıtse-mınıstrdiń aıtýynsha, elimizde aǵash otyrǵyzý boıynsha bıylǵy jospar tolyq oryndaldy.

«Bıyl elimiz boıynsha 62 myń gektar jerge 130 mln túp aǵash otyrǵyzyldy. Onyń ishinde 59,5 mıllıonnan astam sekseýil (46 %), 45 mıllıonnan astam qaraǵaı (35%), 8,7 mıllıon shegirshin (7%), 5,5 mıllıon qaıyń (4%) jáne 11,3 mıllıon túp (8%) basqa da aǵash túri egildi. Bıylǵy josparǵa saı atalǵan jumysqa 12 mlrd teńge kóleminde qarjy bólindi. Onyń ishinde respýblıkalyq bıýdjetten 4,6 mlrd teńge jáne jergilikti bıýdjetten 7,4 mlrd teńge», - deıdi ol.

Odan bólek, mınıstr orynbasary 422 birlik tehnıka men jabdyqtyń satyp alynǵanyn tilge tıek etti.


Joǵary qaraı