Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Ekibastuzda 558 adam baspanaly bolady

2021 jyldyń 21 qyrkúıek 2021 10:36

NUR-SULTAN. QazAqparat – Ekibastuz qalasyn damytýdyń 2025 jylǵa deıingi keshendi jospary boıynsha jyl saıyn keminde 558 baspana berý kózdelgen, dep habarlaıdy QazAqparat tilshisi.

Bul týraly Indýstrııa jáne ınfraqurylymdyq damý mınıstri Beıbit Atamqulov Úkimet otyrsynda aıtty.

«Pavlodar oblysy Ekibastuz qalasyn damytýdyń keshendi jospary boıynsha Indýstrııa jáne ınfraqurylymdyq damý mınıstrligi 41,6 mlrd teńgeniń 13 is-sharasyna jaýapty.

Shaharda 2025 jylǵa deıin jalpy aýdany

199,4 myń sharshy metr nemese 2,8 myń turǵyn úıdi paıdalanýǵa berý josparlanǵan», - dedi mınıstr.

Atap aıtsaq, 2021-2024 jyldar aralyǵynda ár jyl saıyn 39,8 myń sharshy metr bolatyn 558 turǵynjaı, 2025 jyly jıyntyq aýdany 40,2 myń sharshy metr bolatyn 559 turǵynjaı berý josparlanǵan.

«Keshendi jospar sheńberinde memleket qarajaty esebinen turǵyndardy 67,5 myń sharshy metr nemese 748 jalǵa beriletin jáne kredıttik pátermen qamtamasyz etý kózdelgen. Jappaı turǵyn úı qurylysy salynatyn aýdandardy qajetti ınjenerlik ınfraqurylymmen qamtamasyz etý úshin 2023 jyly

3 mlrd teńge bólý josparlanǵan. Soǵan sáıkes 370 jer ýchaskesi ınjenerlik ınfraqurylymmen qamtamasyz etiledi», - dedi Beıbit Atamqulov. Mınıstrdiń aıtýynsha, bul jobalardy iske asyrǵan kezde qalada 1200 ýaqytsha jumys orny ashylady.


Joǵary qaraı