Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl bir vıtse-mınıstr, 2 sýdıa, 3 general jemqorlyq faktisimen ustalǵan

2022 jyldyń 24 mamyr 2022 14:34

NUR-SULTAN. QazAqparat – 2022 jyldyń basynan beri 1 vıtse-mınıstr, 2 sýdıa, 3 general jemqorlyq faktisi boıynsha jaýapkershilikke tartylǵan, dep habarlaıdy QazAqparat tilshisi.

Bul týraly Sybaılas jemqorlyqqa qarsy is-qımyla agenttiginiń tóraǵasy Oljas Bektenov málim etti.

«Búgin men Memleket basshysyna sybaılas jemqorlyqqa qarsy is-qımyl barysynyń nátıjesin baıandadym. Jyl basynan beri elimizde bir myńnan astam sybaılas jemqordyq faktileri tirkelip, 600-den astam tulǵa qylmystyq jaýapkershilikke tartyldy. Sonyń ishinde 1 vıtse-mınıstr, 2 sýdıa, 3 general bar. Prezıdenttiń elimizde tártip ornatý, ekonomıkamyzdy monopolııadan bosatý týraly tikeleı tapsyrmasymen júrgizilip jatqan jumystyń nátıjesinde 220 mlrd teńgeden astam qarajat bıýdjetke qaıtaryldy», - dedi agenttik basshysy Bort №1 arnasynda jarııalanǵan shaǵyn suhbatta.

Onyń sózinshe, sybaılas jemqorlyqtyń aldyn alý baǵyty boıynsha da belsendi jumys atqarylyp kele jatyr.

«Jaqynda ǵana agenttik qyzmetkerleri Kóliktik baqylaý komıtetiniń jumysyn taldady jáne quzyretti organdarǵa tıisti usynystar engizdi. Memleket basshysy baıandamamdy muqııat tyńdap, agenttiktiń qyzmetin odan ári jetildirý boıynsha tıisti tapsyrmalar berdi», - dedi Oljas Bektenov.

Aıta keteıik, búgin Prezıdent Sybaılas jemqorlyqqa qarsy is-qımyl agenttiginiń tóraǵasy Oljas Bektenovti qabyldady.


Joǵary qaraı