Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl «Aıbyn» jıyny onlaın formatta ótedi

2021 jyldyń 27 qyrkúıek 2021 18:01

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide QR Qarýly Kúshteri Bas shtaby tárbıe jáne ıdeologııalyq jumys departamentiniń bastyǵy Serik Borambaev «Aıbyn» jıyny bıyl qalaı ótetinin túsindirdi, habarlaıdy QazAqparat tilshisi.

«Byltyrǵy turaqsyz epıdemıologııalyq jaǵdaıdaǵy tájirıbeni eskere otyryp, Qazaqstan Respýblıkasy Táýelsizdiginiń 30 jyldyǵyna arnalǵan «Aıbyn» jetinshi respýblıkalyq áskerı-patrıottyq jıynyn onlaın formatta ótkizý týraly sheshim qabyldadyq. Basqa da erekshelikteri bar. Birinshiden, jıynǵa qatysýshylar sany eki ese kóbeıtildi. Ótken jyldary qatysýshylar sany 300-den 500-ge deıin ósse, bıyl olardyń sany 1110 adamǵa jetti. Elimizdiń barlyq óńirlerinen 74 komanda qatysady», - dedi departament bastyǵy.

Onyń sózinshe, onlaın-jıyndaǵy jeke saıystarǵa qatysýshy komandalardan basqa «Aıbyn» mobıldi qosymshasynda tirkelgen jáne konkýrs pen jarys sharttaryn oryndaǵan 14-18 jas aralyǵyndaǵy jastar qatysa alady.

«Jıynnyń baǵdarlamasyna eki jańa saıys qosyldy. Atap aıtqanda, «Jas sarbaz jas tilshisi» jas tilshiler saıysy men toǵyzqumalaq ulttyq oıynynan onlaın-týrnıri. Úshinshiden, alty jyl ishinde alǵash ret turaqty negizde «Jas sarbaz Hab» kovorkıng-ortalyǵy iske qosylady. Bul áskerge shaqyrylýǵa deıingi jastardy áskerı-patrıottyq tárbıeleý jónindegi jumysty uıymdastyrý jáne júrgizý úshin qurylǵan jumys alańy. Bul ortalyqta «Aıbyn» jıynynyń front-ofısi, brıfıng zaly jáne «Jas sarbaz medıa» stýdııasy ornalastyrylady», - dedi Serik Borambaev.


Avtor Esimjan Naqtybaı
Basty sózder: Ásker, Jastar, Qoǵam, Bilim,
Joǵary qaraı