Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl «Ańsaǵan sábı» baǵdarlamasynyń arqasynda 1 307 sábı dúnıege keldi

2022 jyldyń 18 mamyr 2022 12:33

NUR-SULTAN. QazAqparat – Bıyl «Ańsaǵan sábı» baǵdarlamasynyń arqasynda 1 307 sábı dúnıege keldi. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«2021 jyldan bastap Prezıdent tapsyrmasy boıynsha «Ańsaǵan sábı» arnaýy baǵdarlamasy iske qosyldy. Onda 2026 jylǵa deıin ekstrakorporaldy uryqtandyrýǵa jyl saıyn 7000 kvota bólý kózdelgen. Osy jyldyń sáýir aıyndaǵy jaǵdaı boıynsha EKU arqyly 1 307 bala dúnıege keldi. Qazir 3 063 áıel júkti, ol 43 paıyzdy quraıdy», - dedi ol Ortalyq kommýnıkatsııalar qyzmetinde ótken baspasóz máslıhatynda.

Sonymen qatar mınıstr bıyl «Balalar jyly» ekendigin atap ótip, balalardyń densaýlyǵyn saqtaý jónindegi is-sharalardy iske asyrýǵa mınıstrlik erekshe nazar aýdaratynyn aıtty.

«Balalardy profılaktıkalyq qarap-tekserý paketteri keńeıtildi. Sonymen qatar, respýblıkalyq bıýdjet esebinen 16,4 mlrd teńge mólsherinde qarjylandyrý kózdelgen. Búgingi tańda 9 sırek nemese orfandyq aýrýlary bar balalardy emdeý úshin 24 dárilik zattar satyp alynatyn boldy. Sırek kezdesetin aýrýlar ishinde julyn-bulshyqet atrofııasy jáne epılepsııanyń sırek kezdesetin túrleri bar», - dedi Ajar Ǵınııat.

Osyǵan deıin dárigerlerdiń jalaqysy taǵy 30 paıyzǵa artatyny habarlandy.


Joǵary qaraı