Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl «Altyn belgige» 9 822 oqýshy úmitker

2021 jyldyń 12 mamyr 2021 13:15

NUR-SULTAN. QazAqparat - Endi «Altyn belgi» tósbelgisine úmitkerlerdiń emtıhan jumystaryn bilim basqarmasy janyndaǵy komıssııa qaraıdy. Mektepter burynǵydaı oqý ozattarynyń tizimin ózderi jasaı almaıdy, dep habarlaıdy QazAqparat.

Bilim jáne ǵylym mınıstrliginiń málimetine sensek, komıssııa emtıhan jumystaryn teksergennen keıin nátıjelerin bilim uıymdaryna jiberip, mektep dırektorynyń buıryǵymen tósbelgi ıegerleriniń tizimi bekitiledi.

2020-2021 oqý jylynda «Altyn belgige» 9 822 oqý ozaty úmitker bolyp otyr.

«Buryn mektep pen bilim bólimderi úmitkerlerdiń jumysyn ózderi tekserip, «Altyn belgini» tapsyrý týraly sheshim qabyldaıtyn. Al, qazir, keńestik kezeńdegideı, emtıhan jumystaryn oblystyq nemese respýblıkalyq mańyzy bar qalanyń bilim basqarmasy janyndaǵy komıssııa tekseredi. Komıssııa quramyna bilikti, tájirıbeli pán muǵalimderi kiredi. Osydan keıin ǵana mektep úzdik oqýshylardyń tizimin bekitedi», – deıdi QR BǴM mektepke deıingi jáne orta bilim komıtetiniń tóraıymy Maıra Meldebekova.

Bıyl 11 (12) synyp oqýshylarynyń memlekettik bitirý emtıhandary 1-10 maýsym aralyǵynda ótedi.

12 maýsymǵa deıin emtıhan qorytyndysy shyǵarylyp, «Altyn belgi» ıegerleriniń tizimi bekitiledi.

2020-2021 oqý jylynda 3,4 mln astam oqýshy mektepte bilim aldy. Onyń 150 myńǵa jýyǵy 11 (12) synypty aıaqtaıdy.


Joǵary qaraı