Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl Almatynyń tómengi bóligindegi aryq júıesi jóndeledi

2022 jyldyń 26 mamyr 2022 21:25

ALMATY. QazAqparat- Almatyda nóser jaýyn jaýǵanda, qalanyń tómengi bóligin sý basady. Osyǵan baılanysty jyl sońyna deıin 7 mekenjaı boıynsha aryq júıesi shuǵyl túrde jóndeledi. Bul týraly Erbolat Dosaev Jetisý aýdany turǵyndarymen kezdesý barysynda málim etti, dep habarlaıdy QazAqparat tilshisi.

Qala basshysynyń sózinshe, bıyl Rysqulov, Raıymbek dańǵyly men Almaty-2 vokzaly janyndaǵy sý burý kollektory qalpyna keltiriledi. Bul megapolıstiń joǵarǵy jaǵynan jańbyr aǵynyn azaıtady.

«Máseleni tolyq sheshý úshin uzyndyǵy 26,5 shaqyrym bolatyn 27 kóshe boıynsha aryq jelileri men kollektorlardy salý jáne rekonstrýktsııalaý boıynsha jobalaý-smetalyq qujattama ázirlendi»,- dedi ol.

Onyń aıtýynsha, aýdan ákimdigimen uzyndyǵy 4,3 shaqyrym 27 ýchaske boıynsha aryqtardy aǵymdaǵy jóndeý josparlanǵan. Atap aıtar bolsaq, «Aınabulaq-1», «Aınabulaq-2», «Aınabulaq -3», «Aınabulaq -4», «Kókjıek» jáne «Qulager» shaǵyn aýdandaryndaǵy aryqtar. Sonymen qatar, Brıýsov pen Jansúgirov kóshesi bar.

Qazir megapolıste 16 kollektor bar, onyń tek 4-eýi ǵana jumys istep tur.


Avtor Alma Muqanova
Basty sózder: Ákimdik, Qurylys, Qoǵam, Almaty,
Joǵary qaraı