Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl almatylyq 1238 áıel saqtandyrý esebinen EKO jasata alady

2021 jyldyń 25 aqpan 2021 15:27

ALMATY. QazAqparat- Bıyl almatylyq 1238 áıel saqtandyrý esebinen EKO jasata alady, dep habarlaıdy QazAqparat tilshisi.

Qazaqstanda ekstrakorporaldy uryqtandyrý protsedýrasynyń qoljetimdiligi artty. Buryn tegin medıtsınalyq kómek sheńberinde ǵana jasalatyn joǵary tehnologııalyq qyzmettiń bul túri 2020 jyldan bastap medıtsınalyq saqtandyrý paketine endi.

«Áleýmettik medıtsınalyq saqtandyrý qory» KEAQ Almaty qalalyq fılıalynyń basshysy Tileýhan Ábildaevtyń aıtýynsha, ekstrakorporaldy uryqtandyrý baǵdarlamasy 2010 jyldan bastap memlekettik tapsyrys boıynsha júzege asyrylyp keldi. Bıyl elimiz boıynsha 7000-ǵa jýyq úmitker «Ańsaǵan sábı» arnaıy prezıdenttik baǵdarlamasy sheńberinde EKO jasatyp, ata-ana baqytyn sezinýge múmkindik almaq.

«Máselen, 2020 jyly Almaty qalasynda 643 EKO jasalǵan. Oǵan 563 mln teńge bólindi. Bıyl 1238 manıpýlıatsııa josparda. Oǵan qarastyrylǵan soma 2 ese artyp, 1,1 mlrd teńgeni qurap otyr», - dedi fılıal dırektory.

Bıyl ońtústik astana boıynsha atalǵan baǵdarlamaǵa 7 medıtsına uıymy qatysyp jatyr. Olardyń bári de Medıtsınalyq saqtandyrý qorymen kelisimshart bekitken:

- «Private clinic» JShS

- «Akýsherlik, gınekologııa jáne perınatologııa ǵylymı ortalyǵy» AQ

- «PERSONA» JShS

- «Ekomed» fırmasy» JShS

- «Reprodýktıvtik medıtsına ınstıtýty» JShS

- «Klınıka AMD» JShS

- «Nuraı» EKO KLINIK JShS

EKO baǵdarlamasyna qatysý úshin tirkelgen emhanaǵa baryp arnaıy esepke turý qajet. Tıisti kórsetilimder bolǵan jaǵdaıda dárigerler kvotaǵa kezekke qoıady. Kvota jergilikti qoǵamdyq densaýlyq sqataý basqarmasyndaǵy arnaıy komıssııa sheshimimen beriledi.

Búgigi kúnge deıin, elimiz 22 myńnan astam sábı osy baǵdarlama negizinde dúnıe keldi.

Jalpy, Qazaqstanda bedeýlik dıagnozymen esepte turǵan áıelder sany 11 myńnan asady.


Avtor Alma Muqanova
Basty sózder: Almaty, Medıtsına,
Joǵary qaraı