Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Almatyda qısaıǵan 10 kópqabatty úıdiń irgetasy nyǵaıtyldy

2021 jyldyń 28 qazan 2021 18:27

ALMATY. QazAqparat - «Zerdeli» shaǵynaýdanynda qısaıyp ketken kópqabatty úılerdi qalpyna keltirý jumystary jalǵasýda. 2022 jyly 7 úıdiń irgetasy nyǵaıtylady. Bul týraly Almaty qalasy Jaıly qalalyq orta basqarmasynyń basshysy Sapar Nurashev Óńirlik kommýnıkatsııalar qyzmetinde ótken baspasóz máslıhatynda aıtty, dep habarlaıdy QazAqparat tilshisi.

«Ótken jyly kópqabatty 7 úıdiń, bıyl 10 úıdiń irgetasyn nyǵaıttyq. Búgingi tańda 30 úıdiń 23-i qaıta qalpyna keltirildi. Al qalǵan 7 úıdi kelesi jylǵa josparlap otyrmyz», - dedi Almaty qalasy Jaıly qalalyq orta basqarmasynyń basshysy Sapar Nurashev.

Eske salaıyq, 2019 jyly Alataý aýdanyndaǵy «Zerdeli» shaǵynaýdanynyń turǵyndary úıleriniń qısaıǵanyn aıtyp, dabyl qaqqan bolatyn.

Keıin qala ákimi Baqytjan Saǵyntaev qısaıǵan úıdiń turǵyndarymen kezdesip, ákimdik olardy kóshirýge daıyn ekenin jetkizdi.

Atalmysh shaǵynaýdanda ornalasqan barlyq 32 kópqabatty turǵyn úıge tekserý júrgizý úshin 312 mıllıon teńge baǵyttalǵan.


Joǵary qaraı