Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Almatyda 205 kóshe jóndeldi

2021 jyldyń 25 qarasha 2021 15:08

ALMATY. QazAqparat - Almatyda 2021 jyly 200-den astam kóshe jóndeldi. Bul týraly Óńirlik kommýnıkatsııalar qyzmetiniń baspasóz máslıhaty barysynda qala ákiminiń orynbasary Serik Qusaıynov málim etti, dep habarlaıdy QazAqparat tilshisi.

Onyń aıtýynsha, jalpy uzyndyǵy 200,8 shaqyrym bolatyn 205 kóshede ortasha jóndeý jumystary aıaqtaldy.

«Injenerlik jelilerdi kóshirý, trotýarlardy, aryq jelilerin tartý jáne syrtqy jaryqtandyrý tirekterin ornatý boıynsha jumystar júrgizildi. Qazirgi ýaqytta lıýkter men torlardy kóterý boıynsha jumystar júrgizilýde. Jumysty osy jyldyń qarasha aıynyń sońyna deıin aıaqtaý josparlanýda»,- deıdi Serik Qusaıynov.

Tóle bı kóshesi boıymen Baıtursynovtan ıAssaýıge deıin jol jabynyna ortasha jóndeý jumystary júrgizildi, trotýarlar men aryq jelisi ishinara jóndeldi.

«Qazirgi kezde Tóle bı kóshesiniń ýchaskesinde Áýezov kóshesinen Brýsılovskııge deıingi bordıýrler ornatyldy. Sondaı-aq, Rozybakıev kóshesinen Karımov kóshesine deıin eki baǵytta da Anosov kóshesinen shyǵatyn kólikter úshin aınalma joldar salyndy»,- deıdi ol.

Spıker jaqyn arada kólik jáne kommýnıkatsııalar ǴZI Almatyda veloınfraqurylymdy damytý strategııasyn usynatynyn, onda veloınfraqurylym obektilerin jobalaý, salý jáne paıdalaný boıynsha usynymdar kórsetiletinin málim etti.

«2030 jylǵa deıin 185 shaqyrymnan astam velojol salý josparlanýda, bul olardyń uzyndyǵyn 2,5 esege (262,8 km-ge deıin) arttyrady jáne búkil qalany ózara baılanystyrady»,- deıdi Almaty ákiminiń orynbasary.


Avtor Alma Muqanova
Basty sózder: Almaty, Qoǵam,
Joǵary qaraı