Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl Aqtóbede balalarǵa qatysty 11 seksýaldyq zorlyq-zombylyq deregi tirkeldi

2022 jyldyń 18 mamyr 2022 21:01

AQTÓBE. QazAqparat - Jyl basynan beri oblysta kámeletke tolmaǵandarǵa qatysty 36 qylmystyq is tirkeldi. Oblystyq PD bastyǵynyń orynbasary Qanat Álıevtiń aıtýynsha, balalarǵa qatysty 11 seksýaldyq zorlyq-zombylyq deregi anyqtalyp otyr, dep habarlaıdy QazAqparat tilshisi.

«Jyl basynan beri oblysta kámeletke tolmaǵandarǵa qatysty 36 qylmys jasalǵan. Bárine taldaý júrgizildi. Balalarǵa qatysty zorlyq-zombylyq otbasynda, ásirese, ógeı ata-ana tarapynan bolatyny anyqtaldy. Bıyl balalar jasalǵan seksýaldyq zorlyq-zombylyqqa qatysty 11 derek tirkeldi», - dedi Qanat Álıev.

Aıta keteıik, oblysta balalardyń óz úıinen jyraqqa ketip, habarsyz qalýy jıilep ketken. Bıyl kámelet jasqa tolmaǵan 30 bala úıine qaıtaryldy. Munda qylmystyq emes, áleýmettik jaǵdaı jıi sebep bolady. Jasóspirimderdi otbasyndaǵy túsinispeýshilik pen turmystaǵy qolaısyzdyq alańdatady.

Quqyq qorǵaý organdaryn buqaralyq aqparat quraldaryndaǵy zorlyq-zombylyq kórinisi, oıyndar men oıynshyqtardy jappaı satý alańdatady. Internet resýrstar men siltemelerdi anyqtaý maqsatynda oblystyń PD krımınaldyq polıtsııa qyzmetkerleri 2021 jyly 276 beınematerıaldy buǵattady. Bıyl 68 materıal jiberildi.

Aımaqtaǵy máslıhat depýtaty Baqytqan Janshaeva ata-anasy bas tartqan, balalar úıin panalap otyrǵan múgedek balalardyń máselesin aıtty. Onda 5-18 jas aralyǵyndaǵy aqtóbelikter tárbıelenip jatyr.

«Balalardyń ómir súrý jaǵdaıy óte nashar. Mysaly, bir bólmede jasóspirimmen birge 5 jasar balalar da turady. Bul jaǵdaıda zorlyq-zombylyqtyń bolýy tańqalarlyq emes. Jasóspirim ul men qyzdardy birge ornalastyrǵan jaǵdaılar da bar, bul qolaısyz. Sebebin suraǵanda mekemeniń basshylyǵy oryn joq dep jaýap beredi», - dep atap ótti depýtat.


Joǵary qaraı