Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl 5,8 myń shaqyrym jolda tólem alý júıesi engiziledi

2020 jyldyń 5 tamyz 2020 17:23

NUR-SULTAN. QazAqparat - Bıyl elimizde 5,8 myń shaqyrym jolda tólem alý júıesi engiziledi. Bul týraly QR Indýstrııa jáne ınfraqurylymdyq damý mınıstrligi Avtomobıl joldary komıtetiniń tóraǵasy Saıranbek Barmaqov aıtty, dep habarlaıdy QazAqparat tilshisi.

«Qazirgi ýaqytta respýblıka boıynsha uzaqtyǵy 682 shaqyrym bolatyn 4 aqyly ýchaske jumys isteıdi. Olar - «Nur-Sultan-ýche», «Nur-Sultan-Temirtaý», «Almaty-Qorǵas», «Almaty-Qapshaǵaı». Osy ýchaskelerden jınalǵan alymdar mólsheri búgingi tańda 2,6 mlrd teńgeni qurady. Ózin-ózi qamtamasyz etý maqsatynda ınvestıtsııalyq konkýrs aıasynda 11 myń shaqyrym jolda tólem alý júıesin ornatý jáne qyzmet kórsetý jónindegi shartqa qol qoıyldy«, - dedi komıtet tóraǵasy Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, shart aıasynda bıyl uzyndyǵy 5,8 myń shaqyrymdy quraıtyn qaıta jańartýdan ótkizilgen jol ýchaskelerinde tólem alý júıesin ornatý josparlanyp otyr.

»Keıin testilik rejımde iske qosylady. Qalǵan 5,2 myń shaqyrym jolǵa qaıta jańartý jumystarynyń aıaqtalýyna baılanysty 2024 jylǵa deıin aqy alý júıesin engizý josparlanǵan«, - dedi Saıranbek Barmaqov.


Joǵary qaraı