Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl 14 myńnan astam etnıkalyq qazaq qandas mártebesin aldy

2021 jyldyń 12 qazan 2021 09:25

NUR-CULTAN. QazAqparat - 2021 jylǵy 1 qazandaǵy jaǵdaı boıynsha 14 358 adam tarıhı otanymen tabysyp, qandas mártebesin aldy. Jalpy alǵanda, 1991 jyldan beri respýblıkaǵa 1 mıllıon 84,7 myń etnıkalyq qazaq oraldy. Bul týraly QazAqparat Eńbek mınıstrligine silteme jasap habarlaıdy.

Osy jyldyń basynan qandastardyń jartysynan kóbi (76,3%) Qazaqstanǵa Ózbekstannan kelgen, 9,4%-y – Qytaıdan, 6,4%-y – Túrikmenstannan, 2,5%-y – Mońǵolııadan jáne 5,4%-y basqa elderden kelgen.

Kelgen etnıkalyq qazaqtar negizinen Almaty (28%), Mańǵystaý (19,3%), Túrkistan (13,5%) jáne Jambyl (8,1%) oblystaryna, sondaı-aq Shymkent (10,7%) qalasyna qonystandy.

Aǵymdaǵy jylǵy 1 qazandaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 55%-dy, eńbekke qabiletti jastan kishileri 27,9%-dy jáne zeınetkerler 17,1%-dy quraıdy.

Eńbekke qabiletti jastaǵy qandastardyń ishinen bilim deńgeıi boıynsha 11,1%-ynyń joǵary bilimi, 39,8%-ynyń orta kásibı bilimi, 45,5%-ynyń jalpy orta bilimi bar jáne 3,6%-ynyń bilimi joq.

Etnıkalyq qazaqtardy memlekettik qoldaý sharalarymen qamtamasyz etý sheńberinde jyl saıyn qandastardy qabyldaýdyń óńirlik kvotasy belgilenedi.

Óńirlik kvota sheńberinde 720 etnıkalyq qazaq (Aqmola oblysy – 92 adam, ShQO – 121 adam, Qostanaı oblysy – 117 adam, Pavlodar oblysy – 328 adam jáne SQO – 62 adam) kóshýge sýbsıdııa: otbasynyń árbir múshesine 70 AEK-ten (204,1 myń teńge) keletin birjolǵy tólem aldy, sondaı-aq 12 aı boıy otbasyna 15-ten 30 AEK-ke deıingi (43,7-den 87,5 myń teńgege deıingi) mólsherde aı saıynǵy tólem aldy.

Sonymen qatar, qandastarǵa jergilikti atqarýshy organdar turǵyn úı berý jáne jumysqa ornalastyrý boıynsha qoldaý kórsetedi.


Joǵary qaraı