Aýa raıy
Astana 19 °S
Almaty 19 °S
valıýta baǵamy
USD 412.55
EUR 468.66
RUB 5.79
CNY 58.80

Bıyl 1032 shaqyrym avtojol jańartyldy

2019 jyldyń 12 qarasha 2019 21:13

NUR-SULTAN. QazAqparat - Qazaqstanda jyl sońyna deıin joldardyń 201 shaqyrymynda qozǵalys ashylady, dep habarlaıdy QazAqparat.

Bul sheteldik kompanııalarmen birlese júzege asyrylyp jatqan jobalar aıasynda júzege asyrylady.

Avtomobıl joldary komıteti tóraǵasy Saıranbek Barmaqovtyń keltirgen málimetterine qaraǵanda, Qazaqstandaǵy avtomobıl joldarynyń jalpy uzyndyǵy 96 myń shaqyrymdy quraıdy. Olardyń 24 myń shaqyrymy – halyqaralyq jáne respýblıkalyq mańyzy bar joldar.

«Nurly jol» memlekettik baǵdarlamasy Ortalyq – Ońtústik, Ortalyq – Shyǵys, Ortalyq – Batys, Ortalyq – Soltústik jáne Ońtústik – Shyǵys sııaqty negizgi bes baǵytty damytýdy kózdeıdi. Bul rette atalmysh baǵyttardyń barlyǵy halyqaralyq kóliktik jelige qosyla otyryp, ulttyq jol-kólik ınfraqurylymyn damytýǵa negiz bolady», – dedi S. Barmaqov Úkimet úıinde ótken baspasóz máslıhatynda.

Sonymen qatar, komıtet tóraǵasy búgingi tańda úkimettik zaımdar esebinen sheteldik kompanııalarmen birlese otyryp 7 jobanyń júzege asyrylyp jatqandyǵyn tilge tıek etti. Bıyl qurylys jáne qaıta jańartý jumystarymen joldardyń 1032 shaqyrymy qamtylǵan. Qarjylandyrýdyń jalpy somasy 100,6 mlrd teńgeni quraıdy.

«Bul turǵyda «Kúrti-Býrylbaıtal» avtomobıl jolynyń 2295-2380 shaqyrymyn, «Uzynaǵash – Otar» avtojolynyń 101-143 shaqyrymyn, «Shymkent – Jambyl oblysynyń shekarasy» avtomobıl jolynyń 593-632 shaqyrymyn, «Jetibaı – Jańaózen – Kenderli – Túrkimenstan Respýblıkasynyń shekarasy» jolyn, «Aqtóbe – Atyraý – RF shekarasy (Astrahan)» avtomobıl jolynyń 160-458 shaqyrymyn, «Balqash – Býrylbaıtal» jolynyń 1864-2152 shaqyrymyn qaıta jańartý jobalary, sondaı-aq, memlekettik-jekeshilik áriptestik aıasynda iske asyrylyp jatqan Úlken Almaty aınalma jolynyń qurylysy kontsessııalyq jobasy eskerilgen», – dedi S. Barmaqov.

Atalmysh jol ýchaskelerin qaıta jańartý jobalaryn qazaqstandyq, ázirbaıjandyq, túrik, ıtalıandyq, qytaılyq jáne koreılik kompanııalar júzege asyrady. Jyl sońynda qozǵalysty avtomobıl joldarynyń 201 shaqyrymynda ashý josparlanǵan. Joǵaryda atalǵan ýchaskelerdegi qaıta jańartý jumystary jospar boıynsha 2022 jyly aıaqtalmaq.

Joǵary qaraı