Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Birqatar elde maımyl sheshegine qarsy shekteýli vaktsınatsııa bastaldy

2022 jyldyń 25 mamyr 2022 17:03

AMMAN. QazAqparat – Kóptegen memleketter maımyl sheshegi vırýsynyń órshýine qarsy kúresý úshin shekteýli vaktsınatsııany bastaýǵa nıet bildirip jatyr, dep habarlaıdy QazAqparat tilshisi Khaleej Times-ke silteme jasap.

Álemniń birqatar memleketiniń úkimeti mamyr aıynan bastap 19 elde 237 kúdikti jáne rastalǵan jaǵdaı tekserilgennen keıin osyndaı sheshim qabyldady.

DDU ınfektsııa juqtyrǵandardyń kópshiliginde aýrý aýyr túrde ótpegenine qaramastan, bul san artýy múmkin dep boljap otyr. Osyǵan baılanysty keıbir el qazirdiń ózinde saqtyq sharalaryn engize bastady.

AQSh

Densaýlyq saqtaý júıesiniń ókilderi shtattarda ınfektsııanyń bes deregi - Massachýsets shtatynda bireý jáne ortopoksvırýs tuqymdasynyń taǵy tórt jaǵdaıy anyqtalǵannan keıin «Jynneos» vaktsınasynyń keıbir dozasyn usynýǵa daıyn ekendigin málimdedi.

«Dál qazir biz vaktsınaǵa muqtaj adamdarǵa múmkindiginshe taratamyz dep úmittenip otyrmyz. Bul sanatqa maımyl sheshegine shaldyqqandarmen baılanysta bolǵandar, densaýlyq saqtaý salasynyń qyzmetkerleri jáne aýyr dertke ushyraý qaýpi joǵary adamdar jatady», - dedi AQSh aýrýlardy baqylaý jáne aldyn alý ortalyǵy dırektorynyń orynbasary Djennıfer MakKýıston.

Ulybrıtanııa

El bıligi mundaı sheshimdi alǵashqylardyń biri bolyp qabyldady. Ótken aptada keıbir densaýlyq saqtaý qyzmetkerlerine jáne maımyl sheshegin juqtyryp alýy múmkin basqa da adamdarǵa vaktsınalar usyndy.

Frantsııa

Densaýlyq saqtaý organdary seısenbide maımyl sheshegine shaldyqqan adamdarmen baılanysta bolǵan qaýipti toptardaǵy eresekterdi, sondaı-aq osy aýrýdy juqtyrǵan naýqaspen baılanysta bolǵan medıtsına qyzmetkerlerine ekpe salýdy usyndy.

Danııa

Eldiń densaýlyq saqtaý basqarmasy habarlaǵanyndaı, vırýs juqtyrǵandarmen tyǵyz qarym-qatynasta bolǵandarǵa vaktsına usynyldy. Bul elde eki adam aýrý juqtyrǵan.

Germanııa

Bul elde 40 myń doza vaktsınaǵa tapsyrys berildi. Eger elde jaǵdaı ýshyǵyp ketse, indet juqtyrǵan adamdarmen baılanysta bolǵandarǵa qoldanylady.

Ǵalymdar vırýstyń SARS-COV-2 sııaqty ońaı taralmaıtynyn eskere otyryp, Covid-19 sııaqty pandemııaǵa aınalmaıdy dep boljap otyr.

Maımyl sheshegi – Batys jáne Ortalyq Afrıkanyń keıbir bólikterinde taralatyn jeńil vırýstyq ınfektsııa. Ol negizinen osy aýrýǵa shaldyqqan naýqaspen tyǵyz baılanysta bolǵanda juǵady jáne osy ýaqytqa deıin álemniń basqa bólikterinde sırek kezdesip keldi. Sondyqtan, onyń qazirgideı taralýy alańdaýshylyq týdyryp otyr. Aýrý juqtyrýdyń kóptegen jaǵdaıy Eýropada tirkeldi.

Anglııa seısenbide ınfektsııanyń 14 jańa deregi týraly habarlady. Elde 7 mamyrdan bastap naýqastardyń jalpy sany 70-ke jetti. Al, BAÁ men Chehııada alǵashqy jaǵdaılar tirkedi.

«Biz maımyl sheshegine baılanysty epıdqaǵalaýdy kúsheıtýge shaqyramyz. Onyń qalaı taralyp, qaıda jyljyp bara jatqanyn baıqaýymyz kerek», - dedi DDU ınfektsııa qaýipterine ǵalamdyq daıyndyq jónindegi dırektory Sıvı Brıan.

Ol bul vırýstyń osylaısha taralýy qalypty jaǵdaı emestigine nazar aýdaryp, ony ustap turýǵa bolatynyn, ıaǵnı ekpe men emdeý tásilderi baryn da aıtty.

Eske salsaq, QR Densaýlyq saqtaý mınıstrligi elde maımyl sheshegin juqtyrýdyń birde-bir jaǵdaıy tirkelgen joqtyǵyn málim etti.


Joǵary qaraı