Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bir jylda eldegi jas bıznesmender sany 36% ósken

2022 jyldyń 23 mamyr 2022 12:23

NUR-SULTAN. QazAqparat – Bir jyldyń ishinde jasy 29-dan aspaǵan bıznesmenderdiń sany 36% ósken. Osylaısha olardyń óz ortasyndaǵy úlesi 18% artyp otyr, dep habarlaıdy QazAqparat tilshisi Finprom resýrsyna silteme jasap.

Sáýir aıynda elimizde jasy 29-ǵa tolmaǵan bıznesmenderdiń sany 211,9 myńǵa jetken. ıAǵnı, bir jyldan birden 36,4% artqan.

Salystyryp aıtsaq, bul kezeńde jalpy jeke kásipkerlerdiń sany 8,3% ósip, 1,2 mln adamǵa jetken. Bir jyl buryn olardyń jalpy kásipkerlerdiń arasyndaǵy úlesi 14,5% bolsa, bıyl 18,2%-ǵa jetip otyr.

Jynysqa qaraı jiktesek, jas kásipkerler arasynda da erlerdiń sany basym – 109,1 er, 102,8 myń áıel kásipker óz isin dóńgelentip otyr.

Alaıda aýyldaǵy jas kásipkerlerdiń úlesi áli de bolsa az. Jastar sanatyna jatatyn 158,4 myń kásipker qalada tirkelgen. Al aýyldaǵylardyń úlesi - 25 paıyzdyń aınalasynda.

Biraq bıyl aýyldaǵy jas kásipkerlerdiń sany da aıtarlyqtaı ósken – 30,9% nemes 53,4 myń.

Jastar arasynda bólshek jáne kóterme saýda eń tartymdy sala bolyp tur. Munda 73,6 myń adam kásip ashqan.

Óńirler arasynda Almaty (33 myń) jáne Nur-Sultan (24,7 myń) qalalarynda jas kásipkerler kóbirek tirkelgen.

Tizimniń sońynda Soltúistk Qazaqstan (2,6 myń), Pavlodar (5 myń) jáne Aqmola (5,5 myń) oblystary tur.

Bir qyzyǵy 6 óńirde jas kısipkerlerdiń arasynda áıelderdiń úlesi basym. Ásirese Mańǵystaý, Shyǵys Qazaqstan, Qaraǵandy oblystary alǵashqy úshtikte.

Al Soltústik Qazaqstan (39,2%) jáne Túrkistan (40,5%) oblystarynda áıel kásipkerlerdiń úlesi az.

Ótken aptada QR Prezıdenti Qasym-Jomart Toqaev otandyq bıznes ókilderimen kezdesýinde kásipkerlerdiń negizsiz qýdalanýyn synaǵan edi.


Joǵary qaraı