Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bir táýlik ishinde elordadan 35 myń tekshe metrge jýyq qar shyǵaryldy

2021 jyldyń 26 qarasha 2021 17:12

NUR-SULTAN. QazAqparat - Sońǵy kúnderi elordada qar kóp jaýdy, tek ótken kúnniń ózinde bul kórsetkish aılyq jaýyn-shashyn mólsherin qurady. Qalalyq kommýnaldyq qyzmetter kóshelerdi, alańdar men trotýarlardy tazalaı otyryp, táýlik boıy kúsheıtilgen rejımde jumys isteıdi, dep habarlaıdy Nur-Sultan ákimdiginiń resmı saıty.

Búgin, 26 qarashada elordada qar jınaý jumystaryna 1 800-den astam jol jumysshysy shyqty. Qardy tazalaý men shyǵarýǵa 2 myńnan astam arnaıy tehnıka jumyldyryldy.

Bir táýlik ishinde qaladan qar polıgondaryna 35 myń tekshe metrge jýyq qar shyǵaryldy.

Aıta ketý kerek, qysqy kezeńniń basynan bastap qalanyń kommýnaldyq qyzmetteri keshki jáne túngi ýaqytta qarqyndy túrde, sondaı-aq qar jınaý baǵyttaryn túzetýmen eki aýysymda kúsheıtilgen rejımde jumys isteýdi jalǵastyrýda.

Birinshi kezekte, ereje boıynsha, joldarda keptelis bolmaýy úshin qozǵalysy óte qarqyndy ýchaskeler tazartylady. Odan ári ortasha qarqyndy ýchaskeler – alańdar, vokzal mańyndaǵy aýmaqtar, trotýarlar jáne t. b. qardan tazartylady.
















Basty sózder: Nur-Sultan, Qoǵam, Ekologııa, Aýa raıy,
Joǵary qaraı