Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bir komponent saldyrǵandar vaktsınalanǵan bolyp eseptele me

2021 jyldyń 5 mamyr 2021 16:23

NUR-SULTAN. QazAqparat – QR Parlamenti Májilisiniń depýtattary vaktsına alǵan azamattar boıynsha statıstıka júrgizý isin synǵa aldy, dep habarlaıdy QazAqparat tilshisi.

«4 mamyrdaǵy jaǵdaı boıynsha birinshi komponentpen 1 mln 422 myń 204 adam, ekinshi komponentpen – 347 myń 774 adam egildi. Bul týraly nege aıtyp otyrmyn? Dáriger retinde vaktsınanyń eki dozasyn alǵan adamnyń ǵana vaktsınalanǵanyn bilemin. Basqalaı múmkin emes. Kez kelgen ınfektsıonıst osyny aıtar edi. Sondyqtan, ekinshi komponentpen 347 474 adamdy qamtý kórsetkishine súıene otyryp, jyl sońyna deıin 6 mln adamnyń vaktsınalanatynyna senim joq», - dedi Májilis depýtaty Larısa Pavlovets jalpy otyrysta.

Densaýlyq saqtaý mınıstri Alekseı Tsoı eldegi vaktsınalaýdyń jetkilikti qarqynda júrip jatqanyn túsindirdi.

«Ekinshi komponent sózsiz bolady. ıAǵnı, azamattar birinshi komponentti jasaǵan soń, ekinshi komponent 21 kúnde nemese maksımým 45 kúnde egiledi. ıAǵnı, munda kez kelgen jaǵdaıda bizdiń azamattar ekinshi komponentti alady. Alǵashqy komponentti salǵan soń, 15-shi kúni de antıdene paıda bolatynyn túsiný kerek. ıAǵnı, qorǵaýǵa múmkindik beretin alǵashqy ımmýnıtet 15-shi kúnnen bastap túzile bastaıdy», - dedi mınıstr.

«Degenmen, sizdiń ustanymyńyz qandaı? Siz bir doza ektirgen adamdy vaktsınatsııalanǵan adam dep esepteısiz be? Álde ekeýin de saldyrǵan adamdy aıtý kerek pe? Bul týraly naqty aıta alasyz ba?»,- dep suraq qoıdy depýtat mınıstrge.

«Árıne, vaktsınatsııanyń tolyq kýrsy eki dozaly vaktsına bolsa, ekeýin de saldyrý kerek», - dedi Alekseı Tsoı. Mınıstr sońǵy málimetter boıynsha 400 myń adamnyń ekinshi komponentti alǵanyn atap ótti.

Májilis spıkeri Nurlan Nyǵmatýlın te máselege pikir bildirdi.

«Siz qazir 21 kún dep aıttyńyz, al orynbasarlaryńyzdyń biri shyǵyp, 90 kún dedi. Siz de qazir maksımým 45 kún dep otyrsyz. Biz bárin shatastyryp jiberdik qoı. ( ... ) Bir aqparat shyǵady, sodan keıin basqa qyzmetkerińiz shyǵyp, múldem basqasha pikir beredi, úshinshisi –máseleniń basqa qyrynan qaraıdy. Halyq ta túsinbeı dal boldy.

Siz ben bizdiń mindetimiz – osynyń bárin uıymdastyrý. Prezıdent sizge tapsyrma berdi. Jetkiliktiden de kóp qarajat berildi. Munyń bári endi is-áreketke baılanysty... 400 myń adam ekinshi komponent alǵanyn aıttyńyz. Endi halyqtyń basyn qatyrmaıyq, eki vaktsına dese, ekeýin de ekkenderdi esepke alyńyzdar», - dedi Nurlan Nyǵmatýlın.


Joǵary qaraı