Aýa raıy
Astana -17 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Bir aptada kezekshi synyptaǵy 129 oqýshy koronavırýs juqtyrǵan

2020 jyldyń 27 qarasha 2020 19:22

NUR-SULTAN. QazAqparat – Densaýlyq saqtaý mınıstri Alekseı Tsoı Qazaqstanda qansha oqýshy koronavırýs juqtyrǵany týraly málimetti bólisti, dep habarlaıdy QazAqparat tilshisi.

«Oqý jylynyń basynan bastap mektep oqýshylary arasynda koronavırýs juqtyrýdyń 1741 jaǵdaıy tirkeldi. Onyń ishinde kezekshi synyptarǵa tirkelgen balalar arasynda 482 bala juqtyrǵan. Bul oflaın rejımdegi oqýshylardyń jalpy sanynyń 0,05% quraıdy. Odan bólek qashyqtan oqıtyn 1259 bala koronavırýs ınfektsııasyn juqtyryp alǵan», - dedi Alekseı Tsoı Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha ótken aptada ǵana 12 oblysta kezekshi synyptarda oqıtyn oqýshylar arasynda 129 jaǵdaı tirkelgen.

«Ókinishke qaraı, halyq qaıtadan beıqamdyqqa boı aldyryp barady. Biz áleýmettik araqashyqtyqty saqtamaı, maska kııýdi qoıdyq», - dedi Alekseı Tsoı.

Eske sala ketsek Alekseı Tsoı buǵan deıin «Qazaqstanda jeltoqsan nemese qańtar aılarynda qatań karantın sharalary engizilýi múmkin be» degen suraqqa jaýap bergen bolatyn.

«Apta saıyn málimetterdi zerttep, aldaǵy kezeńderge de boljam jasap jatyrmyz. Qazir kórip otyrǵanymyzdaı, Qazaqstanda karantın sharalaryn jeltoqsan nemese qańtar aılarynda engizý máselesi jaǵdaıdy qanshalyqty baqylaýda ustaı alatynymyzǵa baılanysty bolady. Qazir koronavırýs órshigen keıbir óńirde juqtyrý deńgeıi tómendep kele jatqanyn baıqap otyrmyz. Shyǵys Qazaqstanda máselen jaǵdaı rettelip, juqtyrý deńgeıiniń tómendeý tendentsııasyn baqylaýdamyz», - dedi Alekseı Tsoı.



Joǵary qaraı