Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bilim mınıstrligi álemdegi kóptildilik tájirıbesin tyńǵylyqty zerdeleýi tıis - Toqaev

2021 jyldyń 21 qazan 2021 11:19

NUR-SULTAN. QazAqparat – Bilim jáne ǵylym mınıstrligi búkil álemdegi kóptildilik tájirıbesin tyńǵylyqty zerdeleýi tıis. Bul týraly Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Shyndyǵynda da bizdiń mektep túlekterimiz qazaqstandyq qoǵamǵa kiriktirilýi tıis. Olar básekege qabiletti bolýy qajet. Bul úshin olar memlekettik tildi de, ana tilin de jáne múmkindiginshe orys tilin de bilýi kerek. Tolyqtaı alǵanda, balalarymyzdyń birneshe tildi bilgeni ózderine jaqsy. Olardy bir tilmen ǵana shekteýge bolmaıdy. Sol arqyly biz is júzinde olardyń bolashaq damýyn, bolashaqtaǵy birigýin shekteıtin bolamyz. Túptep kelgende bolashaǵynyń aman-esen bolýynan aıyramyz. Sondyqtan Bilim jáne ǵylym mınıstrligi búkil álemdegi kóptildilik tájirıbesin tyńǵylyqty zerdeleýi jáne ony bizdiń ulttyq topyraǵymyzǵa sińirýi kerek», - dedi Qasym-Jomart Toqaev.


Joǵary qaraı