Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Bılik pen qoǵam endi ádil saılaý ótkizýge múddeli bolady – Aıdos Sarym

2020 jyldyń 21 qazan 2020 13:10

NUR-SULTAN. QazAqparat – Saıasattanýshy Aıdos Sarym Prezıdenttiń Májilis jáne máslıhat depýtattarynyń saılaýy týraly úndeýine qatysty pikir bildirdi, dep habarlaıdy QazAqparat tilshisi.

«Aldaǵy saılaý – búkil sharýaǵa jaýapty ári qatań turǵydaǵy amaldardy talap etetin aıtýly oqıǵa. Saılaý dıletantızmdi, shalaǵaılyqty kótermeıdi. Bul sóıleı biletin ǵana emes, shynaıy áreket ete biletin ýaqyt. Osynaý oı basty ári negizgi bolýy tıis. Qazaqstan qazir óz tarıhyndaǵy kúrdeli kezeńge aıaq basty. Alda saıası jáne ekonomıkalyq reformalardy qabyldaý sharýasy tur. Bul baǵyttaǵy jumys eshkimge de ońaı tımeıtini anyq. Sol sebepti adal, ashyq ári legıtımdi saılaý ótkizip, qoǵamnyń kóńil-kúıiniń ártúrli qyryn kórsete biletin jaýapty parlamentti qalyptastyrý kerek. Qazaqstandaǵy reformalar jalǵasady, alaıda bul rette aldaǵy ýaqytta álemdik shynaıylyq, qoǵamnyń múmkindigi men áleýeti esepke alynýy tıis. Búgin modernızatsııalanǵan zańdar paketiniń qabyldanýyna muryndyq bolatyn, shıkizattyq emes ekonomıkanyń negizin qalaıtyn, azamattardyń kúsh-qýatyna, iskerligi mensaıası belsendilige ıek artatyn Májilisti saılap alǵan durys», - deıdi Aıdos Sarym.

Saıasattanýshynyń aıtýynsha qazaqstandyq qoǵamda qazirgi shynaıylyqtan alystaý, ústirt paıymdar men boljamdar bar.

««Shyqtyń – aıttyń» nemese «bólistiń-laık bastyń-belgilediń» - kóp adam saıasat degen osy dep oılaıdy. Shyntýaıtynda saıasat degen – jyldar boıy óziniń fýnktsıonalyn nyǵaıtatyn, jaqtastaryn jınaıtyn, qarjylyq jáne uıymdastyrýshylyq qýattylyǵyn kúsheıtetin salmaqty saıası partııalardy qurý. Qarapaıym ǵana mysal: kóp adam partııalyq tizimdi tirkeý úshin bir úmitkerge 600 myń teńge tólenýi kerektigin de bilmeıdi. Tıisinshe 10 úmitkerdi tirkeý úshin 6 mıllıon, al 100 adamdy tirkeý odan joǵary kete beredi», - deıdi ol.

Sóz sońynda saıasattanýshy qazirgi saılaý kampanııasynyń ereksheligine toqtaldy. Kóp jyldan keıin ǵana bul saılaý óziniń zańdy merziminde ótkeli otyr.

«Qazir eshkim de bizdi aldady, habar bermedi dep kinálaı almaıdy. Múmkindikteri bar salmaqty oıynshylardyń bári de saılaýǵa qatysa alady. Taǵy bir erekshelik baryn aıtaıyn: bul saılaýdyń quny óte joǵary. Sebebi Májiliske debattardan bólek, taǵdyrsheshti reformalyq qujattardy qabyldaýǵa týra keledi. Sol sebepti bılik te, qoǵam da, partııalar da endi ádil saılaý ótkizýge múddeli bolady», - dedi Aıdos Sarym.

Eske sala ketsek búgin Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalaǵan bolatyn.

«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy», - dedi Prezıdent úndeýinde.



Avtor Aıan Bekenuly
Basty sózder: Saılaý-2021, Parlament,
Joǵary qaraı