Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Beıjiń metropolıteniniń 90-nan astam stantsııasy koronavırýsqa baılanysty jabyldy

2022 jyldyń 12 mamyr 2022 22:03

BEIJІŃ. QazAqparat – Beıjiń metropolıteniniń 90-nan astam stantsııasy koronavırýstyń órshýine baılanysty jabyldy. Bul týraly beısenbi kúni metropolıten ákimshiligi «Veıbo» áleýmettik jelisinde málim etti, dep habarlaıdy QazAqparat menshikti tilshisi.

Buǵan deıin habarlanǵandaı, 4 mamyrda Beıjiń metropolıteniniń ákimshiligi 60 metro stantsııasyn japqan. Bul sharalar indettiń aldyn alý jáne baqylaý qajettiliginen týyndaıdy. Beıjiń bıligi Qytaı astanasynda lokdaýn engizý týraly aqparatty joqqa shyǵardy.

«Qalany jabý týraly habarlama jalǵan. Dúrbeleńge boı aldyrmańyzdar, astanadaǵy ómirge esh zııan kelmeıdi, áleýmettik ómir burynǵydaı jalǵasa beredi», - dedi beısenbide astana ákimshiliginiń baspasóz hatshysy Sıýı Hetszıan baspasóz brıfınginde.

Sonymen qatar, elordalyq Chaoıan aýdanynyń bıligi turǵyndardy jasandy dúrlikpe týdyrmaýǵa shaqyryp, azyq-túliktiń jetkilikti qory bar ekenin atap ótti. Buǵan qosa, Qytaı astanasynyń turǵyndaryn koronavırýsqa skrınıng jáne testileý jalǵasyp jatyr. Jumadan bastap Beıjińniń 12 aýdanynda COVID-19 jappaı testileýdiń úshinshi kezeńi bastalady.

Resmı málimet boıynsha, ótken táýlikte 36 adamnyń koronavırýs juqtyrǵany anyqtaldy. Jalpy, 22 sáýirden bastap Qytaı astanasynda 928 jaǵdaı tirkeldi.



Basty sózder: Qytaı, Koronavırýs, Álem,
Joǵary qaraı