Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Beısenbige arnalǵan aýa raıy boljamy

2022 jyldyń 13 qańtar 2022 01:30

NUR-SULTAN. QazAqparat - Qazgıdromet 13 qańtarǵa arnalǵan aýa raıy boljamyn usynady, dep habarlaıdy QazAqparat.

Antıtsıklon QR soltústik jáne soltústik-batys óńirlerine áser etip, osyǵan baılanysty jaýyn-shashynsyz aýa raıy kútiledi. Elimizdiń qalǵan aýmaǵynda ońtústik tsıklondar men frontaldy bólikterdiń áserinen qar, ońtústikte, ońtústik-shyǵysta, ońtústik-batysta jaýyn - shashyn (jańbyr, qar) bolady. Respýblıka boıynsha keı jerlerde tuman, kóktaıǵaq, jeldiń kúsheıýi, ortalyqta, soltústikte burqasyn kútiledi

Aqmola oblysynyń ońtústik jartysynda jaıaý burqasyn kútiledi, jel 15-20 m/s kúsheıedi, oblystyń soltústigi men ońtústiginde tuman túsedi. Almaty oblysynyń ońtústiginde, soltústiginde tuman túsedi, Jalańashkól aýdanynda jel 15-25 m/s kúsheıedi. Jambyl oblysynyń soltústiginde, taýly, taý bókterinde tuman, oblystyń ońtústik-batysynda, soltústik-shyǵysynda kóktaıǵaq, ońtústik-batysynda, taýly aýdandarda jel 15-20, ekpini 23-28 m/s kúsheıedi. Túrkistan oblysynyń ońtústiginde, batysynda, taýly, taý bókterinde tuman túsedi, taýly aýdandarda – kóktaıǵaq, jel 15-20 m/s kúsheıedi. Qaraǵandy oblysynyń batysynda, soltústiginde, ońtústiginde jaıaý burqasyn bolady, túnde oblystyń shyǵysynda tuman túsedi. Qyzylorda oblysynyń soltústiginde, ortalyǵynda tuman, tańerteń jáne kúndiz oblystyń ońtústiginde kóktaıǵaq kútiledi. Batys Qazaqstan oblysynyń soltústik-batysynda kóktaıǵaq, soltústiginde tuman kútiledi. Atyraý oblysynyń batysynda, ońtústiginde jáne ortalyǵynda tuman, kóktaıǵaq kútiledi. Mańǵystaý oblysynyń batysynda, ortalyǵynda, Aqtóbe oblysynyń ońtústiginde, shyǵysynda, Qostanaı oblysynyń shyǵysynda, Soltústik Qazaqstan oblysynyń ońtústik-batysynda, Pavlodar oblysynyń ońtústiginde, túnde jáne tańerteń Shyǵys Qazaqstan oblysynyń ońtústik-batysynda tuman kútiledi.


Basty sózder: Qazgıdromet, Aýa raıy,
Joǵary qaraı