Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Beıbit Atamqulov ónerkásip salasynyń damýyn tejep turǵan faktorlardy atady

2021 jyldyń 26 aqpan 2021 10:59

NUR-SULTAN. QazAqparat – QR Indýstrııa jáne ınfraqurylymdyq damý mınıstri Beıbit Atamqulov otandyq ónerkásip salasynyń damýyn tejep turǵan faktorlardy atady, dep habarlaıdy QazAqparat tilshisi.

«Jańa tásilder men qaǵıdatty sheshimder ázirleýdi talap etetin birqatar júıeli máseleler áli de ashyq kúıinde qalyp otyr. Olar: ımporttalatyn ónimniń joǵary úlesi, shıkizatqa shekteýli qoljetimdilik, tsıfrlyq tehnologııalardy paıdalanýdyń tómen deńgeıi, syrtqy naryqta ilgerletý kezindegi kedergiler men shekteýler jáne óndiristi jańǵyrtýǵa qarajattyń jetispeýi», - dedi Beıbit Atamqulov Senatta ótip jatqan «QR ónerkásiptik saıasatty zańnamalyq retteý: jaı-kúıi, problemalary jáne sheshý joldary» taqyrybyndaǵy Úkimet saǵatynda.

Onyń aıtýynsha ındýstrııalandyrýdy odan ári damytý úshin keshendi, júıeli tásildiń qajettiligin nazarǵa ala otyryp, Memleket basshysy «Ónerkásiptik saıasat týraly» zań jobasyn ázirleýdi tapsyrǵan.

«Zań jobasynyń maqsaty - qazirgi zamanǵy ónimdiligi joǵary, básekege qabiletti, eksportqa baǵdarlanǵan ónerkásipti jedel damytý arqyly ulttyq ekonomıkanyń básekege qabilettiligin arttyrý. Zań jobasy negizgi mindetter retinde mynalardy aıqyndaıdy: qolaıly ındýstrııalyq klımatty qamtamasyz etý, básekege qabiletti óndiristerdi damytýdy qamtamasyz etý, ınnovatsııalardy tıimdi engizý, ónerkásipte elishilik qundylyqty damytý», - dedi ol.


Joǵary qaraı