Aýa raıy
Astana -14 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Beıbit Atamqulov halyqty aýyz sýmen qamtý deńgeıi tómen óńirlerdi atady

2020 jyldyń 27 qazan 2020 09:15

NUR-SULTAN. QazAqparat - Qostanaı, Jambyl jáne Pavlodar oblystarynda aýyz sýmen qamtý deńgeıi tómen. Bul týraly Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«2020 jyldyń qorytyndysynda ortalyqtandyrylǵan sýǵa qol jetkizý deńgeıin qalalarda 97,5 paıyzǵa, aýyldarda 87,7 paıyzǵa jetkizý josparlanǵan. Aımaqtar boıynsha jaǵdaı mynadaı: 3 óńirde, atap aıtqanda Soltústik Qazaqstan, Mańǵystaý jáne Atyraý oblystarynda qala halqy 100 paıyz ortalyqtandyrylǵan sýmen qamtylǵan. Almaty, Atyraý jáne Qyzylorda oblystarynda aýyldyq jerlerde sýmen jabdyqtaý deńgeıi tómen», - dedi ol.

Bul rette mınıstr jekelegen óńirler artta qalyp otyrǵanyn basa aıtty.

«Aýyz sýmen qamtý deńgeıi Qostanaı, Jambyl jáne Pavlodar oblystarynda tómen. Sýmen qamtamasyz etýdiń áleýmettik mańyzy zor. Memleket basshysy taza aýyz sýǵa qol jetkizý deńgeıin barlyq óńirde teńestirý qajettigin birneshe ret atap kórsetti. «Nurly jer» baǵdarlamasy aıasynda aýyldardy sapaly jáne qajetti mólsherde sýmen jabdyqtaý qyzmetimen kezeń-kezeńmen qamtý jóninde jospar ázirlendi. Sondyqtan óńirler halyqty sýmen qamtamasyz etý úshin osy jospardy keıinge qaldyrmaı, tıimdi sharalar qabyldaýy kerek«, - dedi Beıbit Atamqulov.


Joǵary qaraı