Aýa raıy
Astana -2 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Bes jyl izdeýde júrgen er adam Pavlodar mańynan tabyldy

2020 jyldyń 17 qyrkúıek 2020 07:51

PAVLODAR. QazAqparat – Óńirde «Ýchaske» operatsııasy bastaldy, dep habarlaıdy QazAqparat tilshisi Pavlodar oblysynyń Polıtsııa departamentine silteme jasap.

«Aǵymdaǵy jyldyń 7 qyrkúıeginen bastap 1 jeltoqsanyna deıin oblys aýmaǵynda «Ýchaske» jedel-aldyn alý is-sharasy ótkiziledi. Onyń negizgi maqsaty – zań buzýshylyqtar men qylmystardyń aldyn alý boıynsha jumysty jandandyrý, ýchaskelik polıtsııa ınspektorlarynyń jáne jalpy ishki ister organdarynyń bedelin arttyrý», – dedi Pavlodar oblysynyń Polıtsııa departamenti.

PD baspasóz qyzmeti habarlaǵandaı, osy operatsııanyń birinshi aptasynda izdeýde júrgen adamdar da anyqtaldy. Máselen, Lenın kentindegi kóshi-qon qyzmetiniń qyzmetkerleri 2015 jyldan beri izdestirilip júrgen 40 jastaǵy er adamdy tapty. Oǵan sot oryndaýshysyna kelý týraly túsinikteme men mindetteme berildi.

«Іs-sharanyń birinshi aptasynda ǵana óńirdegi polıtsııa qyzmetkerleri turǵyn úı-jaılardy aralap shyqty, onyń ishinde 13 myńy jeke sektorda, úsh myńǵa jýyǵy saıajaılarda», – dep habarlady jergilikti polıtsııa qyzmetiniń basshysy Ǵalym Sarǵulov. Sondaı-aq túrli zań buzýshylyqtar úshin 2000-nan astam adam ákimshilik jaýapkershilikke tartylǵanyn atap ótti.

Polıtsııa páterlerdi tekserý barysynda tirkelmegen nemese jeke basyn kýálandyratyn qujattary joq 292 adamnyń anyqtalǵanyn aıtty. «Óńir polıtseıleri 1,5 myńǵa jýyq atys qarýynyń ıelerin tekserdi; saqtaý jáne alyp júrý erejelerin buzǵany úshin alty qarý ıesi ákimshilik jaýapkershilikke tartyldy, olardan eki tegis uńǵyly qarý tárkilendi», – dedi Ǵalym Sarǵulov.


Basty sózder: Pavlodar oblysy, Qylmyspen kúres,
Joǵary qaraı