Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bes oblystyń aýmaǵynda aýa raıyna baılanysty eskertý jarııalandy

2021 jyldyń 19 qazan 2021 16:50

NUR-SULTAN. QazAqparat – Erteń elimizdiń 5 óńirinde aýa raıyna qatysty eskertý jarııalandy, dep habarlaıdy QazAqparat Qazgıdrometke silteme jasap.

20 qazanda Batys Qazaqstan oblysynyń batysynda tuman túsýi múmkin. Jel soltústik-batystan soǵady, kúndiz oblystyń ońtústik-batysynda jeldiń ekpini 15-20 m/s jetedi.

20 qazanda kúndiz Qyzylorda oblysynyń soltústiginde jáne ortalyǵynda batystan, ońtústik-batystan jel soǵady, kúshi 15-20 m/s jetedi, keı jerlerde arty shańdy daýylǵa aınalýy múmkin.

20 qazanda Mańǵystaý oblysynyń basym bóliginde jańbyr jaýýy yqtımal. Soltústik-batystan jel soǵady, oblystyń batysynda, soltústiginde jeldiń ekpini 15-20 m/s jetedi.

Erteń Aqtaý qalasynda soltústik-batystan jel soǵady, ekpini 15-20 m/s jetedi.

20 qazanda tańerteń jáne kúndiz Túrkistan oblysynyń taýly aýdandarynda ońtústik-batystan soqqan jel kúsheıip, ekpini 15-20 m/s jetedi.

20 qazanda Aqtóbe oblysynda ońtústik-batystan, batystan jel soǵady, oblystyń ońtústik-batysynda jeldiń ekpini 15-20 m/s jetedi.


Basty sózder: Aýa raıy, Qazgıdromet,
Joǵary qaraı