Aýa raıy
Astana 8 °S
Almaty 14 °S
valıýta baǵamy
USD 421.58
EUR 496.83
RUB 5.53
CNY 62.20

Berel qorymy - qundy jádigerler mekeni

2020 jyldyń 1 tamyz 2020 22:41

NUR-SULTAN. QazAqparat - Myńjyldyqtar tarıhyn arqalaǵan Berel qorymy – Qazaqstannyń jalpyulttyq kıeli oryndary qataryna engen qasıetti meken. Bul týraly QazAqparat ShQO Aqparat ortalyǵyna silteme jasaı otyryp habarlaıdy.

«Berel qorymy Shyǵys Qazaqstan oblysy Katonqaraǵaı aýdany, Buqtyrma ózeniniń oń jaǵalaýynda ornalasqan. Qundy jádigerler men obalar tarıh qoınaýynan syr shertip, arheologııalar zertteýlerdiń aınymas ortalyǵyna aınaldy», - delingen ShQO Aqparat ortalyǵynyń baspasóz habarlamasynda.




Obalardy júıeli túrde zertteý Zeınolla Samashevtyń esimimen tikeleı baılanysty.

«Onyń basshylyǵymen júrgizilgen qazba jumystardyń nátıjesinde 1998-1999 jyldary qoldan jasalǵan máńgi muzdyqtaǵy № 11 «Patsha qorǵanynan» saq kósemi men áıeldiń jáne er toqymymen birge jerlengen 13 jylqynyń múrdesi tabyldy. Oǵan qosa patshanyń saltanat kıimi, minis attardyń at ábzelderi, aǵashtan, bylǵarydan, kıizden ań stılinde jasalǵan myńnan astam qolóner jádigerleri bar. Keıinirek taǵy da máńgi toń basqan eki qorǵan zerttelip, olardan da jerlengen jylqylardyń múrdeleri tabyldy», - delingen habarlamada.

2016 jyly oblys ákimi Danıal Ahmetovtiń bastamasymen arheologııa salasynda ǵylymı-zertteý jumystaryn damytý baǵdarlamasy qabyldanǵan bolatyn. Baǵdarlamanyń negizgi maqsaty - óńirdiń týrıstik baǵytyn damytý úshin mádenı brendin qalyptastyrý, Álemdik ıÝNESKO qoryn tolyqtyrý.

Bul jerde qundy jádigerlerdi kelýshilerdiń kórýine múmkindik jasaý úshin qorǵannyń ústinen shyny sarkofag turǵyzyldy. Qatty shynydan jasalǵan sarkofagtiń aýmaǵy 90 sharshy metr, al bıiktigi jádigerler jatqan jerden bastap 8,5 metrdi quraıdy.





Joǵary qaraı