Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Belgili aqyn Esenǵalı Raýshanov ómirden ótti

2021 jyldyń 16 sáýir 2021 09:54

NUR-SULTAN. QazAqparat – Qazaqtyń tanymal aqyny, jazýshy Esenǵalı Raýshanov ómirden ótti. Bul týraly aqyn, Qazaqstan Jazýshylar odaǵy basqarma tóraǵasynyń birinshi orynbasary Aqberen Elgezek óziniń Facebook paraqshasynda jazdy, dep habarlaıdy QazAqparat.

«Qadirli aǵaıyn!

Qazaqtyń asa kórnekti aqyny, Qazaqstan Respýblıkasy Memlekettik syılyǵynyń laýreaty Esenǵalı Raýshanovtan aıyrylyp qaldyq.

Alla aldynan jarylqasyn.

Asyl rýhy beıishtiń tórinde shalqysyn»,-dep jazdy ol.

Esenǵalı Ábdijapparuly Raýshanov 1957 jyly 5 qazanda Qaraqalpaqstanda dúnıege kelgen. Belgili aqyn, QR Memlekettik syılyǵynyń laýreaty, «Parasat» jáne «Qurmet» ordenderiniń ıegeri.

1983–1987 jyldary «Jalyn» jáne «Araı» jýrnaldarynda poezııa bóliminiń meńgerýshisi, jaýapty hatshy, 1988–1995 jyldary «Bilim jáne eńbek» («Zerde») jýrnalynyń bas redaktory qyzmetin atqardy. «Jazýshy» baspasynyń dırektory boldy.

Belgili qalamgerdiń «Bastaý» (1980), «Kelintóbe» (1984), «Sholpan juldyz týǵansha» (1986), «Ǵaısha bıbi» (1992), «Qara baýyr qasqaldaq» (1995), «Perishteler men qustar» (2005), «Bozańǵa bitken bozjýsan» (2006), «Qustar bizdiń dosymyz» (2007) sekildi birqatar jyr jınaqtary jaryq kórgen.


Basty sózder: Oqıǵa, Qoǵam,
Joǵary qaraı