Aýa raıy
Astana -13 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Belarýste qazaqstandyq júk tasymaldaýshylardyń máselesi talqylandy

2020 jyldyń 24 qarasha 2020 21:25

NUR-SULTAN. QazAqparat – Jýyrda Belarýstegi Qazaqstan dıplomatııalyq korpýsynyń qyzmetkerleri Brest jáne Grodno óńirlik kedenderiniń ótkizý pýnktterine bardy. Bul týraly QazAqparat Qazaqstannyń Belarýs Respýblıkasyndaǵy Elshiligine silteme jasap habarlaıdy.

Dıplomatııalyq korpýsynyń qyzmetkerleri EAEO shekarasynyń Belarýs-Lıtva jáne Belarýs-Polsha ýchaskelerinde ornalasqan Brest jáne Grodno óńirlik kedenderiniń ótkizý pýnktterine bardy.

Sapar barysynda Qazaqstan dıplomattary shekaradaǵy kedendik baqylaý protsesimen, keden qyzmetkerleriniń pasporttyq baqylaý júrgizý rásimimen, «Kamennyı Log», «Brýzgı», «Kozlovıchı», «Brest-Zapadnyı» ótkizý pýnktteriniń jáne «Kamennyı Log-Beltamojservıs», «Bremıno-Brýzgı», «Brest-Beltamojservıs-2» kólik-logıstıkalyq ortalyqtary ótkizý pýnktteriniń ınfraqurylymymen tanysty.

Kedendik ózara is-qımyldyń ózekti máseleleri, sondaı-aq qazaqstandyq tasymaldaýshylarda týyndaıtyn problemalyq jaǵdaılar Grodno óńirlik kedeniniń bastyǵy – A.N. Kovalchýk jáne Brest kedeniniń bastyǵy – A.K. Pıhýnmen talqylandy.

Taýarlar men kólik quraldaryn EAEO-nyń syrtqy shekaralary arqyly ótkizý kezinde kedendik ákimshilendirý máselelerin sheshýde jan-jaqty járdemdesý týraly ýaǵdalastyqqa qol jetkizildi.

Jyl saıyn EAEO syrtqy shekarasynyń Belarýs ýchaskesi arqyly Qazaqstan Respýblıkasyna 40 myńǵa jýyq kólik quraly, Qazaqstan Respýblıkasynan – 15 myńǵa jýyq kólik quraly ótedi.

2020 jyldyń 10 aıynda QR Qarjy mınıstrliginiń Memlekettik kirister komıteti ókilderi Qazaqstannyń Belarýs Respýblıkasyndaǵy sheteldik mekemeleriniń janynda ártúrli sıpattaǵy qazaqstandyq tasymaldaýshylardyń 42 ótinishi boıynsha járdem kórsetti. Shara barysynda Belarýs Respýblıkasynyń keden qyzmetimen ózara is-qımyl jasaı otyryp 160-tan astam kedendik deklaratsııa boıynsha máseleler pysyqtaldy.


Joǵary qaraı