Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Belgııadaǵy zertteý: Vaktsınatsııadan keıin turǵyndardyń tek 0,32% ǵana COVID-19 juqtyrǵan

2021 jyldyń 11 maýsym 2021 20:00

BRıÝSSELЬ. QazAqparat – Vaktsınatsııadan keıin ınfektsııa juqtyrýshylar sany azaıdy, sımptomsyz túri de jıi kezdesýde, dep habarlaıdy QazAqparat menshikti tilshisi belgııalyq Sciensano ǵylymı ınstıtýtynyń málimetterine silteme jasaı otyryp.

Covid-19-ǵa qarsy vaktsınalaý kampanııasy bastalǵaly beri Belgııanyń Sciensano ortalyǵy tolyq ımmýndalǵan adamdarda koronavırýs ınfektsııasynyń paıda bolýyn muqııat qadaǵalap keledi.

«Tolyq ımmýndalǵan 1,421,067 adamnyń tek 0,32%-y (4,526) COVID-19 juqtyrǵan. Alaıda, bul jaǵdaılardyń úshten ekisinen astamynda eshqandaı belgiler bolmaǵan. Bul nátıjeler – COVID-19-ǵa qarsy vaktsınalar tıimdiliginiń mańyzdy kórsetkishi»,- deıdi belgııalyq ǵalymdar.

COVID - 19 vaktsınalary tıimdiligi óte joǵary ekenin dáleldedi, biraq eshqandaı vaktsına 100% qorǵaýdy qamtamasyz ete almaıdy.

Bıylǵy jyldyń 31 mamyrynda Belgııanyń 2 mıllıonnan astam turǵyny tolyq vaktsınatsııa kýrsynan ótti, onyń 1,421,067-sin tolyq ımmýndalǵan dep sanaýǵa bolady.

Sonymen qatar 2021 jyldyń mamyr aıynyń ekinshi jartysynda ekpe saldyrǵan 27,979 adamnyń tek 652-sinen COVID-19 ınfektsııasy anyqtalǵan.

Bul málimetter tolyq ımmýndalǵan adamdardyń COVID-19 ınfektsııasyna shaldyǵý yqtımaldyǵy az ekenin aıqyn kórsetedi, dep habarlaıdy Sciensano.

Sonymen qatar, vaktsınalanǵan adamdar arasynda koronavırýs juqtyrǵandardyń shamamen 68%-ynda COVID-19 belgileri bolmaǵan.

Avtor: Arnur Rahymbekov


Basty sózder: Vaktsına, Koronavırýs, Álem,
Joǵary qaraı