Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Belgııa Syrtqy ister mınıstri kúıeýiniń syrqatyna baılanysty qyzmetin ýaqytsha toqtatty

2022 jyldyń 22 sáýir 2022 09:33

BRıÝSSELЬ. QazAqparat – Belgııa Koroldiginiń Syrtqy ister mınıstri Sofı Vılmes áleýmettik jeli arqyly el halqyna úndeý joldady. Mınıstrlik basshysy naýqas kúıeýine qaraý úshin qyzmetinen ýaqytsha ketýge májbúr bolǵanyn aıtty, dep habarlaıdy QazAqparat.

Sofı Vılmes Twitter -degi ashyq hatynda kúıeýi Krıstoferge mı isiginiń agressıvti túri dıagnozy qoıylǵanyn habarlady.

«Ókinishke qaraı, ómirde qıyn jaǵdaılar bolyp turady. Bul aýyr dert bizdiń ómirimizge, atap aıtqanda, kúıeýim Krıstoferdiń ómirine aıaq astynan keldi. Endi ol agressıvti mı isigi dıagnozymen kúres jolyna túsýi kerek. Bul aýyr synaqtyń meniń otbasyma, Belgııa úkimetindegi rólime zardaby tıdi. Memlekettik qyzmetker bolý qatańdyqty, ashyqtyqty, qyzmetke tolyq berilgendikti talap etedi, bul maǵan osynaý qıyn kezeńde jubaıym men balalarymyzǵa qajet kómek pen qamqorlyq kórsetýge múmkindik bermeıdi», - dedi S.Vılmes.

Onyń aıtýynsha, premer-mınıstr korolge atqarýshy bıliktegi syrtqy ister mınıstriniń ókilettikterin ýaqytsha qaıta qurylymdaýdy usynady.

«Men joqta osy jumysty qolǵa alatyn premer-mınıstr A.De Kroo jáne áriptesterim Davıd Klarınval men Mate Mıshelge aldyn ala raqmetimdi aıtamyn», - dep jazdy Belgııanyń Syrtqy ister mınıstri.


Basty sózder: Memlekettik qyzmetshi, Álem,
Joǵary qaraı